Senattyń jalpy otyrysynda depýtat Nurtóre Júsip óte mańyzdy saýaldy kóterdi,- dep habarlaıdy Dalanews.kz.

"Ulttyq qor - balalarǵa" baǵdarlamasy aıasynda bıyl 1 aqpanynan bastap Qazaqstan azamattary sanalatyn barlyq balanyń jınaqy qoryna Ulttyq qordan alǵashqy qarajat tústi. Baǵdarlamaǵa 6,9 mıllıon bala qatysty. Osyǵan baılanysty suraq: Ulttyq qordan maqsatty transfertter tartý qordyń aktıvterine jáne "Ulttyq qor - balalarǵa" baǵdarlamasynyń iske asyrylýyna qalaı áser etedi?

Biz keleshek urpaqtyń qaltasyna qol salyp jatqan joqpyz ba? Qol salǵanda mol salyp otyrǵan joqpyz ba? 2024 jyldyń aıaǵyna deıin jáne kelesi jyldary ár balaǵa qansha qarajat aýdarylady?", - dep surady senator.

Qarjy mınıstri Mádı Takıev balalardyń esepshottaryna aýdarylatyn qarajattyń dollarmen saqtalatynyn, sondyqtan ol ınflásıalyq áserden qorǵalǵanyn aıtty. Sonymen qatar bul soma ulǵaıyp otyrady.

"Investısıalyq kiriske kelsek, bıyl 2,6 paıyz eseptedik. Kelesi jyly ınvestısıalyq kiris 3 paıyzǵa deıin bolady dep boljap otyrmyz. Sondyqtan 1 qańtarǵa qaraı 118–120 dollar boljap otyrmyz. Biraq 1 aqpanǵa deıin bárin naqtylap, naqty kórsetkishterdi aıtamyz", - dedi Takıev.

Kelesi jyly balalardyń esepshottaryna burynǵy 100 dollardyń ornyna shamamen 120 dollar túsedi.