سەناتتىڭ جالپى وتىرىسىندا دەپۋتات نۇرتورە ءجۇسىپ وتە ماڭىزدى ساۋالدى كوتەردى،- دەپ حابارلايدى Dalanews.kz.
"ۇلتتىق قور - بالالارعا" باعدارلاماسى اياسىندا بيىل 1 اقپانىنان باستاپ قازاقستان ازاماتتارى سانالاتىن بارلىق بالانىڭ جيناقى قورىنا ۇلتتىق قوردان العاشقى قاراجات ءتۇستى. باعدارلاماعا 6،9 ميلليون بالا قاتىستى. وسىعان بايلانىستى سۇراق: ۇلتتىق قوردان ماقساتتى ترانسفەرتتەر تارتۋ قوردىڭ اكتيۆتەرىنە جانە "ۇلتتىق قور - بالالارعا" باعدارلاماسىنىڭ ىسكە اسىرىلۋىنا قالاي اسەر ەتەدى؟
ءبىز كەلەشەك ۇرپاقتىڭ قالتاسىنا قول سالىپ جاتقان جوقپىز با؟ قول سالعاندا مول سالىپ وتىرعان جوقپىز با؟ 2024 جىلدىڭ اياعىنا دەيىن جانە كەلەسى جىلدارى ءار بالاعا قانشا قاراجات اۋدارىلادى؟"، - دەپ سۇرادى سەناتور.
قارجى ءمينيسترى ءمادي تاكييەۆ بالالاردىڭ ەسەپشوتتارىنا اۋدارىلاتىن قاراجاتتىڭ دوللارمەن ساقتالاتىنىن، سوندىقتان ول ينفلياسيالىق اسەردەن قورعالعانىن ايتتى. سونىمەن قاتار بۇل سوما ۇلعايىپ وتىرادى.
"ينۆەستيسيالىق كىرىسكە كەلسەك، بيىل 2،6 پايىز ەسەپتەدىك. كەلەسى جىلى ينۆەستيسيالىق كىرىس 3 پايىزعا دەيىن بولادى دەپ بولجاپ وتىرمىز. سوندىقتان 1 قاڭتارعا قاراي 118–120 دوللار بولجاپ وتىرمىز. ءبىراق 1 اقپانعا دەيىن ءبارىن ناقتىلاپ، ناقتى كورسەتكىشتەردى ايتامىز"، - دەدى تاكييەۆ.
كەلەسى جىلى بالالاردىڭ ەسەپشوتتارىنا بۇرىنعى 100 دوللاردىڭ ورنىنا شامامەن 120 دوللار تۇسەدى.
