Senator: «Biznes bankrot aldynda tur»
Ol kóptegen shekteýlerdiń, sondai-aq, preparattardy tirkeý kezindegi qiyndyqtardyń saldarynan dári-dármekterdiń kóterme jáne bólshek saýdasymen ainalysatyn biznes nysandary shyǵynǵa batatynyn aitty.
Depýtattyń sózine qaraǵanda, olardyń keibiri bankrot bolýdyń aldynda tur. Bul jaǵdai halyq tarapynan suranysqa ie preparattardyń, onyń ishinde onkologiialyq aýrýlarǵa, qant diabetine, joǵary qan qysymyna jáne basqa da sirek kezdesetin dertterge qajet dári-dármekterdiń tapshylyǵyn týdyrýy múmkin.
D.Nóketaeva qazirgi qoldanystaǵy zańnamada memlekettik tirkeýden ótpegen dári-dármekterdi satýǵa tyiym salynatynyn atap ótti.
– Qazaqstanda dárini tirkeý merzimi óte uzaq ýaqyt alady. Osyny eskere otyryp, tirkelmegen dárilik zattardy elimizge ákelgen jaǵdaida ýákiletti organ aiqyndaityn tártippen beriletin qorytyndynyń, iaǵni ruqsat berý qujatynyń negizinde tirkeý joldaryn qarastyrý qajet, – dedi depýtat.
