Al áleýmettik jeli osy máseleni qaperge alýdy surap, Semei qalasynyń prokýroryna aryzdanǵan shaǵymdarǵa toly. Poligonnan jetken sasyq iis qolqany qaýyp, ol azdai, adamnyń ish-qurylysyn zaqymdaýda. Onsyz da túrli synaqtyń zardabyn tartqan semeilikter ekologiialyq ahýaldyń baqylaýdan shyǵyp ketkenine ashynýda.
Qala prokýratýrasyna aryz jazǵan turǵynnyń aitýynsha, jelmen jetetin ýly aýa túrli sozylmaly aýrýy bar azamattarǵa aýyr tiiýde.
"Poligondaǵy qoqysty eshkim sorttamaidy, úiip-tógip, órtei salady. Plastiktiń kúlimsi isi, odan taralatyn ýly aýany jel aidap qalaǵa qarai baǵyttaidy. Men sekildi densaýlyǵynda kináraty bar azamattar úshin budan ótken azap joq", – deidi qala turǵyny.
Semeilikter poligondaǵy bylyqqa qatysty alǵash ret shaǵymdanyp otyrǵan joq. Qalanyń ekologiialyq ahýalyna bei-jai qaramaityn belsendi azamattar talai ýaqyttan beri baibalam salyp júr. Onyń ústine, turǵyndardyń aitýynsha aýla arasyndaǵy qoqys konteinerleri únemi arnasynan asyp-tógilip jatady, olardy ýaqytynda tazalaý jumysy jolǵa qoiylmaǵan.
Al poligonnyń máselesi álemjelidegi Semei qalasymen bailanysty pablikterde keńinen tarap ketti.
"Qoqysqa bógip jatyrmyz. Tunshyǵyp, tynys ala almaimyz. Ekologiialyq ahýal kúrdelenip ketti. Soǵan qaramai poligonǵa jaýapty kásiporynnyń basshysy, qalalyq Máslihattyń eks-depýtaty Rafail Hazipov bizdiń janaiqaiymyzǵa qulaq asar emes! Qala turǵyndarynyń sózin tyńdaý turmaq, atalǵan jaǵdaiǵa qatysty pikir bildirýge de jaramady", – deidi "Vostochnokazahstantsy vseh stran, obediniaites!" pabliginiń múshesi, Semei turǵyny Samat Toqtasyn.
Semeilik Arailym Samatovanyń aitýynsha qoqys poligonynan esken ýly aýa balalar men egde kisilerdiń ókpesin ýlaýda.
"Poligondaǵy paketterdi qalaǵa jel aidap ákeledi. Olardyń parazitterge toly ekenin tazalyqqa jaýapty kásiporyn basshylyǵy bilmeidi emes. "Svalkanyń" iesi Rafail Hazipov el sózdiń estimeidi. Múlde áreketsiz otyr, tipti jaýapqa tartylǵan joq. Al qala turǵyndary tunshyǵyp júr...", – dep jazady ol "Semei qalasy" pabliginde.
Atalǵan toptarda jariialanǵan málimet boiynsha, poligon ózine tiesili merzimdi ótep bolǵan. Onyń ústine Semei áýejaiyna tiip tur. Al bul qoldanystaǵy Ekologiialyq kodekske qarama-qaishy.
"Poligon tutas ShQO óńirine qaýip tóndirip tur. Órt shyqsa aýyzdyqtaý qiyn bolady, onyń sońy ekologiialyq apatqa ulasady! Sońǵy ret otqa oranǵanda, tórt kún boiy tynymsyz órtendi, odan taralǵan kók tútin bútin Semeidi tumshalap tastady.
Jedel túrde jańa poligonnyń qurylysyn bastaý qajet. Ol barlyq ekotalaptarǵa sai bolýy tiis, qoqysty sorttap, ony saqtaý talaptaryn qoldanysqa engizýdi talap etemiz", – deidi semeilikter.
Semei turǵyny Samat Toqtasynnyń aitýynsha poligonnyń qazirgi qojaiyny Hazipov úshin mundai qadamǵa barý tiimsiz, jańa poligon salynar bolsa, eks-depýtat "qoqys" imperiiasynan aiyrylyp qalamyn" dep qaýiptenedi.
Qala turǵyndary óz kezeginde álemjelini basyna kóterip jatyr. Olar poligonǵa qatysty máselege tiisti organdar qulaq túredi dep senedi.
REDAKTsIIaDAN: Dalanews.kz eshkimniń soiylyn soqpaitynyn, sol sebepti qarsy taraptyń pikirin jariialaýǵa da ázir ekenin habarlaidy.
