«Bolashaq» halyqaralyq stipendiiasynyń túlegi, «Úzdik pedagog – 2018» respýblikalyq saiysynyń jeńimpazy bul dárejege óziniń eńbekqorlyǵy men bilim salasynda kórsetken joǵary nátijeleriniń arqasynda jetip otyr.
«Álem muǵalimi» syilyǵy - bul ustazdarǵa arnalǵan Nobel syilyǵy.
Elimizde alǵash ret bul marapatty Qoǵamdyq mańyzy bar bastamalardy damytý qory jáne Qazaqstan Respýblikasy Bilim jáne Ǵylym ministrligi uiymdastyrdy. Álemdik bul baiqaýǵa Qazaqstan alǵash ret qatysady.
Otandyq ustazdardyń baiqaýda baq synaýyna Qoǵamdyq mańyzy bar bastamalardy damytý qory tóraiymy Áliia Nazarbaeva men «Varka» qorynyń «Álem muǵalimi» Halyqaralyq baiqaýyn uiymdastyrýshylary arasyndaǵy eikjaqty yntymaqtastyq týraly memorandýmnyń nátijesinde qol jetken.
«Álem muǵalimi» ǵalamdyq syilyǵyna úmitkerlerdi marapattaý rásimi Nur-Sultan qalasyndaǵy «Qazaqstan» ortalyq kontsert zalynda ótti. Elimizdegi saiystyń aqtyq synyna respýblikamyzdyń ár óńirinen 11 muǵalim iriktelip alyndy. Endi olar ústimizdegi jyldyń jeltoqsan aiynda halyqaralyq sarapshylar keńesiniń irikteý qorytyndylaryn biletin bolady.
Nátijesinde 1 ǵana muǵalim tańdalyp alynyp, álemniń 50 elinen keletin úzdik ustazdarmen synǵa túsip, Qazaqstan namysyn qorǵaidy. Ashat Jumabekov ózine berilgen laiyqty nominatsiiany sharany uiymdastyrýshy qor tóraiymy Áliia Nursultanqyzy Nazarbaevanyń qolynan aldy.
- Men bul álemdik baiqaýǵa qatysýǵa 2018 jyldyń qazan aiynyń sońynan bastap daiyndala bastadym. Otandyq bilim salasynyń ózge elderden esh kem emes ekenin senimdi túrde aita alamyn. Álemdik saiystyń ár kezeńine muqiiat daiyndalyp, olardyń tarapynan berilgen árbir tapsyrmany tiianaqty oryndadym. Bul iste ózim eńbek etetin mektep ujymy, oqýshylarym atsalysty. Bul synǵa qatysý men úshin pedagogtik qyzmetimniń jańa bir belesi dep bilemin.
«Bolashaq» baǵdarlamasynyń túlegi retinde biz óz Otanymyzdyń órkendep, damýyna úles qosýymyz kerek. Maǵan osyndai múmkindik týdyryp otyrǵan uiymdastyrýshy qor men elimizdiń Bilim jáne Ǵylym ministrligine alǵysym sheksiz.
Men óz jetistikterimniń barlyǵy "Nazarbaev Ziiatkerlik mektepteri" DBBU –da qurylǵan tiimdi basqarý men qalyptasqan menedjmenttiń arqasynda dep bilemin.
Osy sátti paidala otyryp, «Nazarbaev Ziiatkerlik mektepteri» DBBU Basqarma tóraiymy Kúlásh Shámshidinovaǵa, mektebimizdiń direktory Baǵdan Qaiyrjanovqa, áriptesterime, oqýshylaryma úlken alǵysymdy aitqym keledi. Bul jetńisimdi solarǵa arnaimyn, -deidi Ashat Jumabekuly.
Ǵalamdyq muǵalimder syilyǵynyń aqtyq finaly Birikken Arab Ámirlikteriniń astanasy Dýbai qalasynda 2020 jyldyń naýryz aiynda ótedi.
Semei qalasyndaǵy fizika-matematika baǵytyndaǵy
Nazarbaev Ziiatkerlik mektebiniń baspasóz qyzmeti
