ShQO Tótenshe jaǵdai basqarmasynyń málim etkenindei Semeidegi Gagarin kóshesiniń boiynda ornalasqan dúkende órt shyqqan. Nysannyń aǵashpen shaptalǵan bóligi jáne toqash ónimderin pisiretin úlken elektr peshi otqa oranǵan.
Semeilik órt sóndirýshiler oqiǵa ornyna edel-jedel jetken.
“Tilsiz jaýdy tezdetip aýyzdyqtamasaq, onyń jalyny janyndaǵy nysandarǵa da taralar edi. Órttiń jalpy aýmaǵy 16 sharshy metrdi quraǵan. Oqiǵa ornyna shuǵyl jetken órt sóndirýshiler basyn qaterge tigip dúkenniń ishinde qalǵan, ári jarylýǵa shaq turǵan 6 gaz ballondy syrtqa alyp shyqty.
Dúken qyzmetkerleri órt tutanǵan sátte tysqa shyǵyp úlgerdi, zardap shekkender joq”, – dep málimdedi basqarmanyń baspasóz qyzmeti.
Qyzyl jalynmen kúreske jeke quramnan 14 adam jáne 3 tehnika jumyldyryldy. Órttiń shyǵý sebebi anyqtalý ústinde, aldyn-ala málimet boiynsha dúken ieleri elektr jabdyqtaryn jańalamaǵan, órt qaýipsizdigi talaptaryna nemquraily qaraǵan.
