Shyǵys Qazaqstan oblysyna jumys barysymen kelgen Parlament májilisiniń tóraǵasy Nurlan Nyǵmatýlin eń aldymen Semeige baryp qaitty.
Parlament májilisiniń tóraǵasy «Jidebai-Bórili» memlekettik tarihi-mádeni jáne ádebi-memorialdyq qoryq-mýzeiinde boldy.
Abaidyń ádebi-memorialdyq murajaiy aqynnyń týǵanyna 95 jyl tolý qarsańynda Qazaq SSR-niń Halyq Komissarlar keńesiniń 1940 jyldyń 1 sáýirinde quryldy.
Sóitip, 16 qazanda mýzei kelýshilerge esigin aiqara ashty. Qazirgi tańda mýzei qorynda 21 myńnan astam eksponat bar. Onyń ishinde respýblikalyq mańyzy bar tarihi jáne mádeni 5 eskertkish pen jergilikti deńgeidegi mańyzy bar 10 eskertkish saqtalǵan.
Qonaqtar «Abai dáýiri» jáne «Abaidyń shyǵarmashylyq ainalasy» men «Kóneniń kózi» atty ekspozitsiialyq zaldardyń jumysymen tanysty. Onda kelýshilerge mýzei direktory munda qundy jádigerlerdiń saqtalǵandyǵyn atap ótti.
Osy zalda Abaidyń 1885 jyly dosy N.Dolgopolov arqyly berip jibergen zattary bar. Onyń ishinde ártúrli turmystyq zattar, jihazdar, tipti fotosýretter bar.
Máselen ańǵa shyǵýǵa arnalǵan beldik, qazaq zergerleriniń qolynan shyqqan torsyq, mýzykalyq aspaptar jáne taǵy basqalar.
Zaldardyń birinde Abaidyń uldary Aqylbai jáne Turaǵulmen túsken sýretteri saqtalǵan. Bul sýret 1896 jyly túsirilgen. Sýretti mýzei qoryna Muhtar Áýezov ótkizgen. Taǵy bir zalda kelýshilerdiń nazaryna sol zamandaǵy kólik túrleri usynylǵan. Zaldan Jidebaida turǵan tarantastyń kóshirmesin baiqaýǵa bolady. Bul zattyń kóshirmesi uly aqynnyń 150 jyldyq mereitoiyna orai 1995 jyly ázirlengen.
Ony kezinde Abaidyń ekinshi áieli Áigerim Yrǵyzbaidyń aýylyna kelin bolyp túsken Batet Ázimhanqyzyna tartý etken. Mýzei qoryndaǵy qobdishany Aidar Kenjetileýuly ákep bergen.
Ekskýrsiia sońynda QR Parlament Májilisiniń tóraǵasy mýzei qyzmetkerlerine alǵysyn bildirip, jumystaryna tabys tiledi.
Aita keteiik, Nurlan Nyǵmatýlin Semeige eń aldymen arnaiy keldi.
Ol Abaidyń 175 jyldyq mereitoiy qarsańynda uly aqynnyń týyp ósken jeri men shyǵarmashylyǵynan mol aqparat aldy.
Osyǵan deiin Nurlan Nyǵmatýllin halyq ártisi Bibigúl Tólegenovadan poetikalyq estafetany qabyl alyp, «Júrek – teńiz, qyzyqtyń bári – asyl tas» atty óleń joldaryn jatqa oqydy.
Semeige jumys saparymen kelgen Nurlan Nyǵmatýlin Qaraǵaily yqsham aýdanyndaǵy kópfýnktsionaldy mádeni-sporttyq keshenge bas suqty.
Atalmysh nysan Táýelsizdik merekesi qarsańynda qoldanysqa berilgen bolatyn. Keshen barlyq halyqaralyq standartqa sáikes salynǵan. Onda ártúrli sport túrlerinen jarystar uiymdastyrýǵa bolady.
Basseinde týrnirler ótkizip, júzýmen jáne akvaaerobika, sýǵa sekirý syndy basqa da sport túrlerimen ainalysýǵa múmkindik bar. Aýqymdy sporttyq keshenniń jalpy aýmaǵy 33,8 myń sharshy metrdi quraidy. Onyń qurylysyn Semeidegi «Firma Aziia» JShS otandyq kompaniiasy júrgizdi.
Jobanyń jalpy quny 26 milliard teńgeni quraidy. Nurlan Nyǵmatýlin bul keshenniń álemdik standarttarǵa sáikes salynǵanyn jáne munda aýqymdy sharalardy ótkizýge barlyq jaǵdai jasalǵanyn atap ótti.
Budan soń QR Parlament májilisiniń tóraǵasy Semeidegi jedel járdem aýrýhanasyna at basyn tirep, jurtshylyqpen kezdesý ótkizdi.
