Semeidiń joldary jóndelýde
Semeide qala kóshelerine kúrdeli jóndeý jumystary júrgizilýde. Biyl jyly qala joldaryn jóndeýge jergilikti biýdjetten 256 mln. teńge bólingen. Bul qarajatqa Semeidegi 19 kóshede asfalt jabyny jóndelip, 44 myńnan astam sharshy metr jol halyqtyń paidalanýyna berilgen.
Byltyr bastalǵan Michýrin jáne Dalniaia kóshelerindegi kúrdeli jóndeýdi aiaqtaý úshin oblystyq biýdjetten 100 mln. teńge bólingen. Jóndeý jumystary aǵymdaǵy jyldyń tamyz aiynda aiaqtalady dep kútilýde.
Oblys basshysy Danial Ahmetov qala ákiminiń joldardyń asfalt jabynyn jóndeý kólemin ulǵaitý úshin taǵy 100 mln. teńge bólý qajettigi týraly usynysyn qoldaǵan bolatyn. Osy rette Semei qalasynyń jolaýshylar kóligi jáne avtomobil joldary bólimimen kepildik mindettemelerdiń saqtalýyna baqylaý júrgizilýde. Búgingi kúni 2014-2015 jyldary ortasha jáne kúrdeli jóndeý jumystary júrgizilgen jol ýchaskelerindegi kemshilikterdi joiý boiynsha jumystar atqarylýda. Atalǵan jumys aiasynda Aimaýytov, Griaznov, Kordonnaia, Bi Boranbai, Morozov jáne Marsekov kóshelerindegi kemshilikter joiylǵan.
Sonymen qatar, «Gordorstroi» JShS oblysta birinshi bolyp jol jóndeýdiń jańa ádisi – qurylysqa qajet qajetti qospany jol ústinde daiyndaýǵa múmkindik beretin bitýmdyq emýlsiia men ózdiginen júretin qurylǵyny qoldanyp, sýyqtai sorǵalatyp inektsiialaý tehnologiiasyn paidalanǵanyn aita ketýimiz kerek. Bul ádisti jol tegisteitin katokty paidalanbai, jyl boiy aýa temperatýrasy minýs 10-15 gradýsqa tómendegenshe qoldanýǵa bolady. Bul jol jabyndysyn jóndeýdiń ádettegi ádisinen 1,5 ese arzanǵa túsedi.
«QmD» aqparat
