سەمەيدە قالا كوشەلەرىنە كۇردەلى جوندەۋ جۇمىستارى جۇرگىزىلۋدە. بيىل جىلى قالا جولدارىن جوندەۋگە جەرگىلىكتى بيۋدجەتتەن 256 ملن. تەڭگە بولىنگەن. بۇل قاراجاتقا سەمەيدەگى 19 كوشەدە اسفالت جابىنى جوندەلىپ، 44 مىڭنان استام شارشى مەتر جول حالىقتىڭ پايدالانۋىنا بەرىلگەن.

بىلتىر باستالعان ميچۋرين جانە دالنيايا كوشەلەرىندەگى كۇردەلى جوندەۋدى اياقتاۋ ءۇشىن وبلىستىق بيۋدجەتتەن 100 ملن. تەڭگە بولىنگەن. جوندەۋ جۇمىستارى اعىمداعى جىلدىڭ تامىز ايىندا اياقتالادى دەپ كۇتىلۋدە.

وبلىس باسشىسى دانيال احمەتوۆ قالا اكىمىنىڭ جولداردىڭ اسفالت جابىنىن جوندەۋ كولەمىن ۇلعايتۋ ءۇشىن تاعى 100 ملن. تەڭگە ءبولۋ قاجەتتىگى تۋرالى ۇسىنىسىن قولداعان بولاتىن. وسى رەتتە سەمەي قالاسىنىڭ جولاۋشىلار كولىگى جانە اۆتوموبيل جولدارى بولىمىمەن كەپىلدىك مىندەتتەمەلەردىڭ ساقتالۋىنا باقىلاۋ جۇرگىزىلۋدە. بۇگىنگى كۇنى 2014-2015 جىلدارى ورتاشا جانە كۇردەلى جوندەۋ جۇمىستارى جۇرگىزىلگەن جول ۋچاسكەلەرىندەگى كەمشىلىكتەردى جويۋ بويىنشا جۇمىستار اتقارىلۋدا. اتالعان جۇمىس اياسىندا ايماۋىتوۆ، گريازنوۆ، كوردوننايا، بي بورانباي، موروزوۆ جانە مارسەكوۆ كوشەلەرىندەگى كەمشىلىكتەر جويىلعان.

سونىمەن قاتار، «گوردورستروي» ج ش س وبلىستا ءبىرىنشى بولىپ جول جوندەۋدىڭ جاڭا ءادىسى – قۇرىلىسقا قاجەت قاجەتتى قوسپانى جول ۇستىندە دايىنداۋعا مۇمكىندىك بەرەتىن بيتۋمدىق ەمۋلسيا مەن وزدىگىنەن جۇرەتىن قۇرىلعىنى قولدانىپ، سۋىقتاي سورعالاتىپ ينەكسيالاۋ تەحنولوگياسىن پايدالانعانىن ايتا كەتۋىمىز كەرەك. بۇل ءادىستى جول تەگىستەيتىن كاتوكتى پايدالانباي، جىل بويى اۋا تەمپەراتۋراسى مينۋس 10-15 گرادۋسقا تومەندەگەنشە قولدانۋعا بولادى. بۇل جول جابىندىسىن جوندەۋدىڭ ادەتتەگى ادىسىنەن 1،5 ەسە ارزانعا تۇسەدى.

«قمد» اقپارات