Keibir avtobýstar baǵyttaryn ózgertip, gazelderdiń kópshiligi joiylyp, tehnikalyq park 90 paiyzǵa jańartylady.
- «Esterińizge sala ketsek, 2018 jyly qala ákimi marshrýttyq júieni jańartý týraly másele qozǵaǵan bolatyn. Alaida, oǵan taǵy da biraz ózgertýler engizdik. Semei áýejaiynyń qaita qurylǵany bárine málim, sáikesinshe jańa reister de ashylyp jatyr, sondyqtan jańa baǵytqa qajettilik týyndady. Máselen, qalamyzda áýejaiǵa deiin 33-shi marshrýt júredi, sonymen qatar endi № 10 marshrýt óz jumysyn bastaidy. Ol temirjol stantsiiasy men áýejaidy bailanystyratyn jedel marshrýt bolmaq.
Taǵy da atap ótetin jait, Jarqyn aýyly qalanyń shegine qosyldy, aýylǵa qatynaý úshin «Jansaia» bazarynan №57 marshrýty júredi – deidi Jolaýshylar kóligi bóliminiń meńgerýshisi Nazym Janbolatova.
Sondai-aq, turǵyndardyń ótinishi boiynsha jelige №24 marshrýt qosyldy. Osylaisha, jobada barlyǵy 51 marshrýttyń ornyna 44 marshrýt qalady.
Marshrýt jelisinde barlyǵy 327 avtobýs, 14 mikroavtobýs jumys jasaidy. Sondai-aq, avtobýstarǵa elektrondyq bilet engizý de qolǵa alynbaq. Tasymaldaýshylarmen ótken kelisimshart 2019 jyldyń 1 tamyzyna deiin jasalǵan. Sondyqtan dál osy kúni, jol marshrýttary úshin arnaiy konkýrs uiymdastyrylady.
Qazirdiń ózinde, qala turǵyndary úshin jańadan 60 avtobýs alynǵan. Jyl sońyna deiin bul qatarǵa taǵy da 110 avtobýs qosylady. Sonymen qatar, «Taksomotornyi park» 70 avtobýspen jańartyldy.
