Semeı qalasynyń Jedel medısınalyq járdem aýrýhanasynyń hırýrgıa bólimi úsh jyl boıy naýqastardy qabyldamaı, bos turǵan bolatyn. Mekeme basshylyǵy elektr qýatynyń turaqsyzdyǵyn syltaýratyp bólimniń jumysyn bastaýyn keıinge shegerip otyratyn. Biraq qyzmet kórsetetin mekeme atalǵan bólimdi elektr qýatymen qamtamasyz etýge tolyq kepildik bergen bolatyn.
– Aýrýhananyń osyǵan deıingi basshylyǵy syltaý izdeýmen aınalysyp, hırýrgıa bólimin jumysyn bastamaǵan bolatyn, – dep Danıal Ahmetov óz baǵasyn berdi.
Búgingi kúni bólim naýqastardy qabyldap, tolyqqandy jumys isteýde.
Aýrýhana qyzmetkerleri angıografıa qondyrǵysyn alyp berýge jáne qoǵamdyq kólik sanyn kóbeıtý múmkinshiligin qarastyrýyn surady. Bul baǵytta qazirde eki avtobýs marshrýty ǵana qyzmet kórsetedi.
Aımaq basshysy tehnıkalyq kamtamasyz etý úshin tıisti qondyrǵynyń qajettigin kórsetetin naqty negizdeme usynylý kerektigin atap ótti. Sonymen qatar sapaly kadr daıyndaý qajet.
