سەمەي قالاسىنىڭ جەدەل مەديسينالىق جاردەم اۋرۋحاناسىنىڭ حيرۋرگيا ءبولىمى ءۇش جىل بويى ناۋقاستاردى قابىلداماي، بوس تۇرعان بولاتىن. مەكەمە باسشىلىعى ەلەكتر قۋاتىنىڭ تۇراقسىزدىعىن سىلتاۋراتىپ ءبولىمنىڭ جۇمىسىن باستاۋىن كەيىنگە شەگەرىپ وتىراتىن. ءبىراق قىزمەت كورسەتەتىن مەكەمە اتالعان ءبولىمدى ەلەكتر قۋاتىمەن قامتاماسىز ەتۋگە تولىق كەپىلدىك بەرگەن بولاتىن.
– اۋرۋحانانىڭ وسىعان دەيىنگى باسشىلىعى سىلتاۋ ىزدەۋمەن اينالىسىپ، حيرۋرگيا ءبولىمىن جۇمىسىن باستاماعان بولاتىن، – دەپ دانيال احمەتوۆ ءوز باعاسىن بەردى.
بۇگىنگى كۇنى ءبولىم ناۋقاستاردى قابىلداپ، تولىققاندى جۇمىس ىستەۋدە.
اۋرۋحانا قىزمەتكەرلەرى انگيوگرافيا قوندىرعىسىن الىپ بەرۋگە جانە قوعامدىق كولىك سانىن كوبەيتۋ مۇمكىنشىلىگىن قاراستىرۋىن سۇرادى. بۇل باعىتتا قازىردە ەكى اۆتوبۋس مارشرۋتى عانا قىزمەت كورسەتەدى.
ايماق باسشىسى تەحنيكالىق كامتاماسىز ەتۋ ءۇشىن ءتيىستى قوندىرعىنىڭ قاجەتتىگىن كورسەتەتىن ناقتى نەگىزدەمە ۇسىنىلۋ كەرەكتىگىن اتاپ ءوتتى. سونىمەن قاتار ساپالى كادر دايىنداۋ قاجەت.
