«Taza Qazaqstan» respýblikalyq ekologiialyq baǵdarlamasy aiasynda jáne Uly Otan soǵysyndaǵy Jeńistiń 80 jyldyǵyna orai «Parkter sherýi» ekologiialyq aktsiiasy ótti, dep habarlaidy Dalanews.kz
Aktsiia barysynda qatysýshylar – jas ólketanýshylar men «Jasyl klýb» músheleri – ortalyq aýmaǵynda 80 túp aǵash otyrǵyzdy.
Is-sharaǵa №27 jalpy orta mektebiniń «Jas ólketanýshylar» toby, №16 T.Amanov atyndaǵy mekteptiń «Amanovshylar» jasaǵy, №28 jalpy orta mektebiniń «Kýrs» jasaǵy, №29 «Palmira» mektebiniń «Palmira» jasaǵy, Sh.Ýálihanov atyndaǵy «Jas ulan» arnaiy erler mektep-litsei-internaty, Oblystyq balalar biologiialyq ortalyǵynyń «Jas zertteýshiler» toby atsalysty.
Sondai-aq Abai oblysy bilim basqarmasynyń ókilderi, «Semei ormany» memlekettik tabiǵi rezervatynyń mamandary, «Priirtyshe» ólketaný qoǵamynyń jetekshisi, Semei oblystyq tarihi-ólketaný mýzeiiniń biolog mamandary jáne «Abai jastary» jastar resýrstyq ortalyǵynyń direktory qatysty.
Aktsiia jas urpaqtyń ekologiialyq mádenietin qalyptastyrý, tabiǵatqa janashyrlyqpen qaraýǵa tárbieleý jáne týǵan ólkeni súiýge baýlý maqsatynda ótkizildi. Shara «Taza Qazaqstan» baǵdarlamasyn óńir deńgeiinde qoldaýdyń jarqyn úlgisine ainaldy.
