Viktor Ivanovich Kozodoi – Novosibir oblysynyń týmasy, tarih ǵylymdarynyń doktory, professor. 2012-2014 jyldary Novosibir oblysy gýbernatorynyń orynbasary, 2018-2019 jyldary – Resei Ǵylym akademiiasynyń Sibir bólimshesi Tarih institýtynyń direktory qyzmetterin atqarǵan.
Ǵylymi-zertteý salasy HH ǵasyrdyń basyndaǵy Reseidegi revoliýtsiialar tarihyn, Sibirdiń qoǵamdyq-saiasi keńistigin jáne tarihi tulǵalar ómirin qamtidy.
Alash qozǵalysynyń jetekshisi, kórnekti memleket jáne qoǵam qairatkeri Álihan Nurmuhameduly Bókeihannyń ǵumyrnamasy men tarihi tulǵasyn zerdeleýge arnalǵan zertteý eńbeginiń tusaýkeser rásimin tarihshy-ǵalym – HH ǵasyrdyń bas kezinde Alash qozǵalysynyń ortalyǵy bolǵan Semei qalasynda, onyń ishinde Álihan Bókeihan esimin ielengen ýniversitet qabyrǵasynda ótkizýdi uiǵarǵan.
Kitaptyń tusaýkeser rásimine ziialy qaýym ókilderi, ǵalymdar, joǵary oqý oryndardyń oqytýshylary men bilim alýshylary (stýdentter, magistranttar men doktoranttar), ákimshilik ókilderi, saiasi partiialar men qoǵamdyq uiymdardyń ókilderi, mýzeiler men kitaphanalardyń basshylary, arhiv qyzmetkerleri men BAQ ókilderi qatysty. Sondai-aq tusaýkeser rásimin áleýmettik jeliler men ZOOM video bailanys júiesi arqyly Qazaqstan men Reseiden myńdaǵan kórermender tamashalady.
Eki jarym jyldan astam ǵylymi izdenisteriniń nátijesinde jaryq kórgen eńbeginde ǵalym Álihan Bókeihanǵa – Qazaqstan tarihyndaǵy tutas dáýirdiń – aýmaqtyq, saiasi, qoǵamdyq bytyrańqylyq merziminen bastap, El táýelsizdigin alǵanǵa deiingi kezeńniń ón boiyna yqpal etken tulǵa degen retinde baǵa beredi. Qazaq memlekettiliginiń qalyptasýynda airyqsha ról atqarǵan qairatkerdi avtor "dáýir adamy" dep ataidy.
Kitapqa derekkózder, materialdar men faktiler, onyń ishinde ǵylymi ainalymda buryn paidalanylmaǵan derekter: muraǵattyq qujattar, memýarlar, saiasi jáne memlekettik, partiia jáne áskeri qairatkerlerdiń estelikteri, sol jyldardaǵy gazetter men jýrnaldardaǵy jariialanymdar engizilgen. Kitap tarihshylarǵa, qoǵamtanýshylar men saiasattanýshylarǵa, stýdentterge, sondai-aq kópshilik oqyrman qaýymǵa arnalyp jazylǵan.
Kitaptyń tusaýkeser rásimi barysynda ǵalymǵa saltanatty túrde Álihan Bókeihan ýniversitetiniń qurmetti professory ataǵy berildi.
Aldaǵy ýaqytta kitap tanystyrylymy Shoqan Ýálihanov atyndaǵy Tarih jáne etnologiia institýtynyń uiymdastyrýymen Nur-Sultan, Almaty, Pavlodar jáne Qaraǵandy qalalarynda ótedi. Kitapty qazaq tiline aýdarý jumystary da qolǵa alyndy.
