Aǵymdaǵy jyldyń 17 shildesinen bastap qujattar qabyldana bastady. Bul baǵdarlamaǵa tórt jáne odan da kóp balasy bar otbasylardyń, múmkindigi shekteýli balasy bar otbasylardyń jáne kámelettik jasqa tolmaǵan balasy bar tolyq emes otbasylardyń qatysý quqyǵy bar.
- Baǵdarlamanyń negizgi talaby – úmitkerdiń jergilikti atqarýshy organnyń turǵyn úı kezeginde turýy qajet. Sondaı-aq, sońǵy 5 jylda otbasy músheleriniń atynda úı bolmaýy mindetteledi.
Al, tolyq emes otbasylar úshin neke buzý merzimi 3 jyldan asýy kerek. Úmitker turǵyn úıdiń alǵashqy 10 paıyz salymyn tólep, jyldyq 2 paıyz mólsherlemesimen 20 jylǵa deıin nesıege alady. Zaıym sommasy – 10 mln. teńgege deıin.
Úmitkerler baspanany atalǵan úsh baǵyt boıynsha ala alady. Olar: jańa páter, naryqtaǵy páter jáne jekemenshik turǵyn úı.
Al, alǵashqy jarnany tóleı almaıtyn otbasylarǵa qala búdjetinen 1 mln teńge kólemindegi sertıfıkat tapsyrylatyn bolady, - dedi turǵyn úı-kommýnaldyq sharýashylyq jáne turǵyn úı ınspeksıasy bólimi basshysynyń orynbasary Dıana Shaıahmetova.
Semeı qalasy aqparattyq ortalyǵynyń málimetinshe, osy ýaqytqa deıin 78 qujat qaralyp, tólem qabilettiliginiń baǵalaýyn anyqtaýǵa bankke joldama alǵan, onyń 25 qujat óńdelýde. Baǵdarlamaǵa sáıkes, qujattar táýlik ishinde tekserilýi tıis.
Derekkóz: Altaınús
