Bir jyl buryn qalanyń bul shetki aımaǵy bos jatqan dala bolatyn. Búgin bul jerde álemdik standarttarǵa saı, jańa turǵyn úı massıvi salyný ústinde. Oblys ákimi Danıal Ahmetovtyń tapsyrǵandaı, ár bir páterge tıesili birjarym kólik turaq oryndaryn qarastyrylǵan, úı aralyq jol eni úsh metirdiń orynyna alty metr, ádemi jáne qaýipsiz sport pen oıyn alańdary salynýda.
– Sonymen qatar bul jerde ýnıversaldy mádenı-sporttyq zaly bar, bes myń oryndyq «Abaı Arena» atty tamasha keshen salynady. Ol birneshe qabattarǵa bólinedi. 50 metrlik olımpıadalyq baseın jáne sınhrondy júzýge arnalǵan arnaıy baseın salynady – dedi Danıal Ahmetov – Bárimizdi qýantatatyn bul yqsham aýdany óte ádemi bolatynyna senimdimin.
Kóp qabatty úıler aspannyń kók túsindeı kirpishterden salynady. Bul jergilikti óndirýshilerdiń materıaldary. Olar sapanyń barlyq talaptaryn oryndady. Eger merdiger basqa memleketten alyp kelý qajet dep sanasa, oǵan eshqandaı qarsylyq joq – dep atap ótti SHQO ákimi. Eń bastysy josparlaǵandy iske asyrý, ıaǵnı yqsham aýdannyń ádemi kelbetin jasaý.
«Kók aspan» úılerdi salýmen «Sát Trans» JSHS jáne «Fırma Azıa» JSHS aınalysýda. Tehnıkalyq baqylaýdy «SK Týmar» JSHS, avtorlyq baqylaýdy – «SemeıProekt» ÓK júrgizýde.
