ءبىر جىل بۇرىن قالانىڭ بۇل شەتكى ايماعى بوس جاتقان دالا بولاتىن. بۇگىن بۇل جەردە الەمدىك ستاندارتتارعا ساي، جاڭا تۇرعىن ءۇي ءماسسيۆى سالىنۋ ۇستىندە. وبلىس اكىمى دانيال احمەتوۆتىڭ تاپسىرعانداي، ءار ءبىر پاتەرگە تيەسىلى ءبىرجارىم كولىك تۇراق ورىندارىن قاراستىرىلعان، ءۇي ارالىق جول ەنى ءۇش مەتىردىڭ ورىنىنا التى مەتر، ادەمى جانە ءقاۋىپسىز سپورت پەن ويىن الاڭدارى سالىنۋدا.
– سونىمەن قاتار بۇل جەردە ۋنيۆەرسالدى مادەني-سپورتتىق زالى بار، بەس مىڭ ورىندىق «اباي ارەنا» اتتى تاماشا كەشەن سالىنادى. ول بىرنەشە قاباتتارعا بولىنەدى. 50 مەترلىك وليمپيادالىق باسسەين جانە سينحروندى جۇزۋگە ارنالعان ارنايى باسسەين سالىنادى – دەدى دانيال احمەتوۆ – ءبارىمىزدى قۋانتاتاتىن بۇل ىقشام اۋدانى وتە ادەمى بولاتىنىنا سەنىمدىمىن.
كوپ قاباتتى ۇيلەر اسپاننىڭ كوك تۇسىندەي كىرپىشتەردەن سالىنادى. بۇل جەرگىلىكتى وندىرۋشىلەردىڭ ماتەريالدارى. ولار ساپانىڭ بارلىق تالاپتارىن ورىندادى. ەگەر مەردىگەر باسقا مەملەكەتتەن الىپ كەلۋ قاجەت دەپ ساناسا، وعان ەشقانداي قارسىلىق جوق – دەپ اتاپ ءوتتى شقو اكىمى. ەڭ باستىسى جوسپارلاعاندى ىسكە اسىرۋ، ياعني ىقشام اۋداننىڭ ادەمى كەلبەتىن جاساۋ.
«كوك اسپان» ۇيلەردى سالۋمەن «ءسات ترانس» ج ش س جانە «فيرما ازيا» ج ش س اينالىسۋدا. تەحنيكالىق باقىلاۋدى «سك تۋمار» ج ش س، اۆتورلىق باقىلاۋدى – «سەمەيپروەكت» وك جۇرگىزۋدە.
