Semeide destrýktivti dini aǵymdy ustanǵan otbasy 8 ben 13 jas aralyǵyndaǵy úsh balasyn mektepke jibermei qoiǵan, dep habarlaidy Dalanews.kz.
Ata-anasynyń ustanymyna bailanysty balalar bilim alý múmkindiginen aiyrylǵan. Prokýratýranyń aralasýynan keiin balalar mektepke qabyldandy, al olardyń anasy ákimshilik jaýapkershilikke tartyldy.
Eske salaiyq, buǵan deiin Qaraǵandy oblysynda destrýktivti dini aǵymyn ustanatyn otbasy 15 jastaǵy qyzdaryn kúieýge berip jibergeni belgili bolǵan edi. Qylmys jasady degen kúdikpen 38 jastaǵy er adam ustaldy. Bul týraly 16 naýryzda oblystyq politsiia departamentiniń baspasóz qyzmeti málimdedi.
Vedomstvonyń málimetinshe, aryz politsiiaǵa 15 naýryzda túsken. Sol kúni qylmystyq is qozǵalyp, kúdikti ustalyp, ýaqytsha ustaý izoliatoryna qamaldy.
Bul oqiǵaǵa QR Oqý-aǵartý ministrligi Balalardyń quqyqtaryn qorǵaý komiteti de túsinik berdi.
"Qyz týǵan ákesiniń qasynda, oǵan barlyq qajetti psihologiialyq kómek kórsetilip jatyr jáne quqyqtyq qoldaý kórsetiledi. Oblystyq balalar quqyqtary jónindegi ýákil ákesimen bailanysta, sonymen qatar ógei áke men anasyn qylmystyq jaýapkershilikke tartý týraly ótinish berdi. Balalardyń quqyqtaryn qorǵaý komiteti jaǵdaidy nazarda ustap, balanyń quqyǵyn qorǵaý úshin barlyq sharany qabyldap jatyr", - delingen habarlamada.
