Semeı turǵyndaryna ekologıalyq saıahat usynyldy

Dalanews 21 mam. 2024 18:21 2132

Semeıde “Taza Qazaqstan” jobasy aıasynda “Qyzyl kitap betterin paraqtaý” eko-aksıasy ótti, dep habarlaıdy Dalanews.kz.

İs-sharany “Semeı ormany” memlekettik orman tabıǵı rezervaty qalalyq ishki saıasat bólimimen birlese “Taza Qazaqstan” jáne “Parkter marshy” aksıalary aıasynda uıymdastyrdy.

Ortalyq saıabaqta turǵyndar qyzyl kitapqa engen sırek ósimdikter, janýarlarmen tanysýǵa múmkindik aldy. Sonymen qatar Abaı atyndaǵy oblystyq kitaphana uıymdastyrǵan taqyryptyq kórmeni tamashalaýǵa múmkindik týdy.

Aksıanyń negizgi maqsaty – turǵyndar nazaryn qorǵalatyn tabıǵı aýmaqtardyń máselesine aýdarý, qoryqtardy saqtaý men damytýǵa naqty kómek kórsetý, halyqtyń jabaıy tabıǵatqa oń kózqarasyn qalyptastyrý.


2024 jyly rezervatta kóshetterdi aýqymdy túrde otyrǵyzý josparlanǵan. 6 100 gektar jerge 28 mıllıon 700 myń aǵash otyrǵyzylady dep kútilýde. Bul naýqan eki kezeńde júredi. Kóshetterdiń 5 000 gektardan astamy kóktemde, al qalǵan 961 gektary kúzde otyrǵyzylady.


Usynylǵan
Sońǵy jańalyqtar