Ministr hanym óziniń úbý hatynda «Bul festival búkil sanaly ǵumyryn ulttyq ónerge arnaǵan Ámina Ómirzaqovanyń 100 jyldyǵy IýNESKO-nyń ataýly datalar kúntizbesine engizilgendigimen erekshelenedi. Qazaqstan drama teatrlarynyń XXVII respýblikalyq festivali otandyq teatrlardyń úzdik qoiylymdary kórsetiletin, shyǵarmashylyq baiqaýlar men bastamalar alańyna ainalatyna senimdimin» dep oi qorytypty.
– Ótkendi umytpai, arǵydan kele jatqan dástúrimizdi jalǵap, halyqqa ónerimizdi pash etsek bizdiń maqsatymyzdyń oryndalǵany. Ámina apamyzben birge júrdik, birge jumys istedik. Uly Shákenniń dosy edi. Ekeýi qatar otyrǵanda eldi kúlkige qarq qylatyn. Ámina – uly aktrisa, – dedi festivaldiń ashylý saltanatynda sóz sóilegen Asanáli Áshimov.
– Ámina Ómirzaqova teatr jáne kino ónerinde janr tańdamaǵan aktrisa. Qazirgi tańda óner zertteýshilerdiń aldynda úlken maqsattar jatyr. Atap aitsam, ol Ámina Ómirzaqova týraly doktorlyq, magistrlik dissertatsiia qorǵaý. Apamyzdyń teatrdaǵy rólderi óz aldyna bir tóbe, kinodaǵy obrazdary óz aldyna bir tóbe. Ótkizilgeli otyrǵan respýblikalyq teatr festivalde klassikalyq álemdik shyǵarmalardan bastap, qazaqtyń Muhtar Áýezov, Berdibek Soqpaqbaev syndy tulǵalardyń shyǵarmasyn sahnada sóiletetin bolady, – dedi.
Sonymen qatar ol Ermek Amanshaevtyń, Baýyrjan Jaqyptyń, Ersaiyn Tóleýbai syndy otandyq avtorlardyń da shyǵarmalary qatysatynyn aitty. Sharaǵa qatysqan teatyr mamandary festival Qazaqstandaǵy teatrlardyń tynys-tirshiligi, kórkemdik deńgeiin, taqyryptyq turǵydan qai baǵytta ózgerip jatqandyǵyn baǵdaý úshin asa qajet ekenin alǵa tartty.
– Qazir Qazaqstan teatrlary shetelge kóptep shyǵýda. Halyqaralyq arenada eńsesi biik abyroiy ústem. Sebebi, «Rýhani jańǵyrý» baǵdarlamasynyń aiasynda birneshe halyqaralyq deńgeide jobalar ótkizilip jatyr. Osy festival da óz maqsatyna jetedi. Semei teatry kezinde úlken teatr boldy. Qazir osy shańyraqta úsh teatr shyǵarmashylyq úndestikpen bas qosqan. Atap aitsaq, Abai atyndaǵy qazaq mýzykalyq drama teatry, Dostaevskii atyndaǵy orys drama teatry, «Dariǵa-ai» jastar teatry. Sondyqtan bul jerde teatr dástúri tamyryn tereń jaiǵan dep esepteimin, – dedi bilikti teatyr salasynyń bilgir mamany.
Teatr festivali qazylar alqasy quramynda Asanáli Áshimov, Qazaqtyń «Qyz Jibegi» Merýert Ótekeshova, Qazaqstannyń eńbek sińirgen qairatkeri Ashat Maemirov syndy bilikti azamattardan quralǵan.
Semei tórinde ótip jatqan festivalge elimizdiń 12 teatr ujymy úzdik qoiylymdarymen qatysýda. Alty kún boiy Semei qalasynyń qonaqtary men turǵyndary festival barysynda Q.Qýanyshbaev atyndaǵy Memlekettik akademiialyq qazaq mýzykalyq drama teatry, Ǵ.Músirepov atyndaǵy Qazaq memlekettik akademiialyq balalar men jasóspirimder teatry, Abai atyndaǵy qazaq mýzykalyq drama teatry, N.Jantórin atyndaǵy Mańǵystaý oblystyq mýzykalyq-drama teatry, M.Gorkii atyndaǵy Memlekettik akademiialyq orys drama teatry, F.M. Dostoevskii atyndaǵy orys drama teatry, Qyzylorda oblystyq N.Bekejanov atyndaǵy qazaq mýzykalyq drama teatry, «Nomad» teatry, J.Aimaýytov atyndaǵy Pavlodar oblystyq qazaq mýzyka-drama teatry, «Dariǵa-Ai» jastar teatry, S.Muqanov atyndaǵy Soltústik Qazaqstan oblystyq qazaq sazdy-drama teatry, Shyǵys Qazaqstan oblystyq drama teatrlarynyń qoiylymdaryn tamashalai alady.
DN-aqparat
