Tselinograd aýdanynyń prokýratýrasy kámeletke tolmaǵandar arasyndaǵy quqyqbuzýshylyqtyń aldyn alý maqsatynda mektep oqýshylaryna sot otyrysyn úlgi retinde kórsetti, dep habarlaidy Dalanews.kz.
Is-shara Qoiandy aýylyndaǵy litsei oqýshylarynyń qatysýymen ótip, jastardyń quqyqtyq saýatyn arttyrýǵa, zańǵa degen qurmetin qalyptastyrýǵa jáne quqyqbuzýshylyqtyń aldyn alýǵa baǵyttaldy.
Shara barysynda oqýshylar sot protsesine qatysýshylardyń rólin somdap, qylmystyq isterdi qaraý tártibimen jáne sot talqylaýynyń erekshelikterimen tájiribe júzinde tanysty.
Kezdesý aiasynda qoldanystaǵy zańnama normalary túsindirilip, tóbeles shyǵarý, densaýlyqqa ziian keltirý sekildi áreketter úshin qarastyrylǵan qylmystyq jaýapkershilik pen onyń saldary keńinen aityldy.
Is-sharaǵa 400-den astam oqýshy qatysty.
Jiyn sońynda belsendi oqýshylardy quqyqtyq mádenietti, azamattyq jaýapkershilikti jáne jastardyń belsendi ómirlik ustanymyn qalyptastyrýǵa baǵyttalǵan «Jas-Urpaq» jobasynyń qataryna saltanatty túrde qabyldaý rásimi ótti.
