سەلينوگراد اۋدانىنىڭ پروكۋراتۋراسى كامەلەتكە تولماعاندار اراسىنداعى قۇقىقبۇزۋشىلىقتىڭ الدىن الۋ ماقساتىندا مەكتەپ وقۋشىلارىنا سوت وتىرىسىن ۇلگى رەتىندە كورسەتتى، دەپ حابارلايدى Dalanews.kz.
ءىس-شارا قوياندى اۋىلىنداعى ليسەي وقۋشىلارىنىڭ قاتىسۋىمەن ءوتىپ، جاستاردىڭ قۇقىقتىق ساۋاتىن ارتتىرۋعا، زاڭعا دەگەن قۇرمەتىن قالىپتاستىرۋعا جانە قۇقىقبۇزۋشىلىقتىڭ الدىن الۋعا باعىتتالدى.
شارا بارىسىندا وقۋشىلار سوت پروسەسىنە قاتىسۋشىلاردىڭ ءرولىن سومداپ، قىلمىستىق ىستەردى قاراۋ تارتىبىمەن جانە سوت تالقىلاۋىنىڭ ەرەكشەلىكتەرىمەن تاجىريبە جۇزىندە تانىستى.
كەزدەسۋ اياسىندا قولدانىستاعى زاڭناما نورمالارى ءتۇسىندىرىلىپ، توبەلەس شىعارۋ، دەنساۋلىققا زيان كەلتىرۋ سەكىلدى ارەكەتتەر ءۇشىن قاراستىرىلعان قىلمىستىق جاۋاپكەرشىلىك پەن ونىڭ سالدارى كەڭىنەن ايتىلدى.
ءىس-شاراعا 400-دەن استام وقۋشى قاتىستى.
جيىن سوڭىندا بەلسەندى وقۋشىلاردى قۇقىقتىق مادەنيەتتى، ازاماتتىق جاۋاپكەرشىلىكتى جانە جاستاردىڭ بەلسەندى ومىرلىك ۇستانىمىن قالىپتاستىرۋعا باعىتتالعان «جاس-ۇرپاق» جوباسىنىڭ قاتارىنا سالتاناتتى تۇردە قابىلداۋ ءراسىمى ءوتتى.
