«Seeds for the Future» – Huawei kompaniiasynyń jahandyq oqytý baǵdarlamasy. Bul tájiribe almasýǵa jáne aqparattyq-tehnologiia boiynsha bilim kókjiegin keńeitýge, sondai-aq talantty jastardy yntalandyryp, indýstriia men tsifrlyq qoǵamdastyqqa qatysýǵa degen qyzyǵýshylyǵyn arttyrýǵa arnalǵan joba.
Búgingi tańda «Seeds for the Future» baǵdarlamasyna álemniń 500 ýniversitetinen 137 memleket jáne aimaqtarynan ókilder qatysýda. Baǵdarlama alǵash iske qosylǵan 2008 jyldan beri tájiribeden 12 000 tańdaýly úzdik jas ótti. «Seeds for the Future» baǵdarlamasy Qazaqstanda 2018 jyldan bastap júzege asyp keledi. Mundaǵy maqsat – aqparattyq-kommýnikatsiia tehnologiialar salasynda jańadan jumys bastaǵan jastarǵa qajetti daǵdysyn qalyptastyryp, tájiribe berý.
2018-2019 jyldary elimizdiń joǵary oqý oryndarynyń stýdentteri arasynan iriktelip alynǵan 20 qazaqstandyq stýdent Qytaidaǵy Huawei shtab-páterinde bolyp, eki apta boiy ozyq tehnologiialarmen tanysty. Olar jetekshi aqparattyq-kommýnikatsiialyq tehnologiialar korporatsiiasynyń innovatsiialyq zerthanalarynda sońǵy zamanaýi quraldarmen jumys istedi. 2020-2021 jyldary «Seeds for the Future» baǵdarlamasy jergilikti jáne halyqaralyq sarapshylardyń qatysýymen búkil álemde onlain rejiminde ótkizildi. Stýdentter iLearning júiesinde bir aptalyq onlain treningti oqyp, onda 5G, jasandy intellekt, bulttyq tehnologiialar jáne t.b jańa innovatsiialarmen tanysty.
Qazaqstanda bul baǵdarlamany Tsifrlyq damý, innovatsiialar jáne aeroǵarysh ónerkásibi ministrligi, Qazaqstan Respýblikasynyń Ǵylym jáne joǵary bilim ministrligi, Qazaqstan Respýblikasynyń Qytaidaǵy elshiligi, Qazaqstandaǵy QHR elshiligi, Astana Hub halyqaralyq IT-startaptar tehnoparki, Beeline jáne t.b. kompaniialar qoldaý kórsetip, sarapshy retinde osy ortadan tabyldy.
Huawei kompaniiasy Qazaqstandaǵy joǵary oqý oryndaryndaǵy tehnikalyq mamandyqta (STEM) oqyp jatqan joǵary kýrs stýdentterin baǵdarlamaǵa qatysýǵa shaqyrady. Ótinishter 2022 jyldyń 21 qazanyna deiin qabyldanady. Baǵdarlamaǵa qatysý jáne tirkelý úshin Google formany toltyryp, ótinimdi barlyq qujattarmen birge aiman.sakhova@huawei.com elektrondyq poshtasyna jiberý kerek (faildary bar yqshamdalǵan papka nemese bulttyq qoimaǵa silteme jasalady).
Ótinish berý úshin qajetti qujattar:
• Aǵylshyn tilindegi túiindeme
• Úmitkerdiń oqý úlgerimin rastaityn transkript nemese tiisti qujattar
• 3 minýttyq jeke beine nemese AKT negizderin biletini jóninde, sondai-aq Qytai memleketine degen qyzyǵýshylyǵy men bilim alýǵa degen qushtarlyǵyn kórsetetin 400-600 sózden turatyn motivatsiialyq hat
• Qajet bolǵan jaǵdaida qosymsha materialdar.
Úmitkerlerge qoiylatyn kriteriiler:
•Úzdik ýniversitetterdiń oqý úlgerimi jaqsy bakalavriat-aspiranttarynyń AKT indýstriiasy men Qytaiǵa jáne oqýǵa degen qulshynysy zor bolýy kerek
• GPA 3.0 nemese odan joǵary jáne fakýltette reitingi 30% joǵary bolýy tiis
• Aǵylshyn tiliniń joǵary deńgeii.
Irikteýdiń alǵashqy kezeńinen ótken stýdentter Huawei kompaniiasy ókilderimen suhbatqa shaqyrylady. Sonyń nátijesi boiynsha úzdik stýdentter 2022 jyldyń qarashasynda bastalatyn baǵdarlamanyń qatysýshysy atanady. Joba aǵylshyn tilinde ótedi.
Huawei – aqparattyq kommýnikatsiia jáne infraqurylymdyq sheshimderdiń, sondai-aq aqyldy smart quraldardyń jetekshi jahandyq jetkizýshisi. Kompaniia jumysynyń negizgi baǵyty –telekommýnikatsiia jelilerin, aqparattyq tehnologiialar, smart qurylǵylar jáne bulttyq qyzmetterdi damytyp keledi. Huawei tsifrlyq tehnologiiany bizneske de, tutynýshylarǵa da qoljetimdi etýge tyrysyp, osylaisha intellektýaldy, minsiz bailanys álemin qurýǵa talpynady. Huawei kompaniiasynyń keshendi portfoliosyndaǵy ónimder, sheshimder men qyzmetter joǵary senimdilikke ie jáne básekege qabiletti. Kompaniia ekojúie boiynsha seriktesterimen ashyq jumys istei otyryp, óz tutynýshylarynyń múmkindik alańyn keńeitý arqyly kommertsiialyq áleýetin arttyrady.
Huawei investitsiianyń edáýir bóligin álemdik progresti ilgeriletetin irgeli zertteýlerge bóledi. Kompaniiada álemniń 170-ten astam elinen 188 myńnan astam qyzmetker jumys isteidi. Huawei - 1987 jyly qurylǵan jeke kompaniia. Ol tolyǵymen qyzmetkerlerdiń quzyretinde.
