«Seeds for the Future» – Huawei كومپانياسىنىڭ جاھاندىق وقىتۋ باعدارلاماسى. بۇل تاجىريبە الماسۋعا جانە اقپاراتتىق-تەحنولوگيا بويىنشا ءبىلىم كوكجيەگىن كەڭەيتۋگە، سونداي-اق تالانتتى جاستاردى ىنتالاندىرىپ، يندۋستريا مەن سيفرلىق قوعامداستىققا قاتىسۋعا دەگەن قىزىعۋشىلىعىن ارتتىرۋعا ارنالعان جوبا.

بۇگىنگى تاڭدا «Seeds for the Future» باعدارلاماسىنا الەمنىڭ 500 ۋنيۆەرسيتەتىنەن 137 مەملەكەت جانە ايماقتارىنان وكىلدەر قاتىسۋدا. باعدارلاما العاش ىسكە قوسىلعان 2008 جىلدان بەرى تاجىريبەدەن 12 000 تاڭداۋلى ۇزدىك جاس ءوتتى. «Seeds for the Future» باعدارلاماسى قازاقستاندا 2018 جىلدان باستاپ جۇزەگە اسىپ كەلەدى. مۇنداعى ماقسات – اقپاراتتىق-كوممۋنيكاسيا تەحنولوگيالار سالاسىندا جاڭادان جۇمىس باستاعان جاستارعا قاجەتتى داعدىسىن قالىپتاستىرىپ، تاجىريبە بەرۋ.

2018-2019 جىلدارى ەلىمىزدىڭ جوعارى وقۋ ورىندارىنىڭ ستۋدەنتتەرى اراسىنان ىرىكتەلىپ الىنعان 20 قازاقستاندىق ستۋدەنت قىتايداعى Huawei شتاب-پاتەرىندە بولىپ، ەكى اپتا بويى وزىق تەحنولوگيالارمەن تانىستى. ولار جەتەكشى اقپاراتتىق-كوممۋنيكاسيالىق تەحنولوگيالار كورپوراسياسىنىڭ يننوۆاسيالىق زەرتحانالارىندا سوڭعى زاماناۋي قۇرالدارمەن جۇمىس ىستەدى. 2020-2021 جىلدارى «Seeds for the Future» باعدارلاماسى جەرگىلىكتى جانە حالىقارالىق ساراپشىلاردىڭ قاتىسۋىمەن بۇكىل الەمدە ونلاين رەجيمىندە وتكىزىلدى. ستۋدەنتتەر iLearning جۇيەسىندە ءبىر اپتالىق ونلاين ترەنينگتى وقىپ، وندا 5G، جاساندى ينتەللەكت، بۇلتتىق تەحنولوگيالار جانە ت.ب جاڭا يننوۆاسيالارمەن تانىستى.

قازاقستاندا بۇل باعدارلامانى سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگى، قازاقستان رەسپۋبليكاسىنىڭ عىلىم جانە جوعارى ءبىلىم مينيسترلىگى، قازاقستان رەسپۋبليكاسىنىڭ قىتايداعى ەلشىلىگى، قازاقستانداعى قحر ەلشىلىگى، Astana Hub حالىقارالىق IT-ستارتاپتار تەحنوپاركى، Beeline جانە ت.ب. كومپانيالار قولداۋ كورسەتىپ، ساراپشى رەتىندە وسى ورتادان تابىلدى.

Huawei كومپانياسى قازاقستانداعى جوعارى وقۋ ورىندارىنداعى تەحنيكالىق ماماندىقتا (STEM) وقىپ جاتقان جوعارى كۋرس ستۋدەنتتەرىن باعدارلاماعا قاتىسۋعا شاقىرادى. وتىنىشتەر 2022 جىلدىڭ 21 قازانىنا دەيىن قابىلدانادى. باعدارلاماعا قاتىسۋ جانە تىركەلۋ ءۇشىن Google فورمانى تولتىرىپ، ءوتىنىمدى بارلىق قۇجاتتارمەن بىرگە aiman.sakhova@huawei.com ەلەكتروندىق پوشتاسىنا جىبەرۋ كەرەك (فايلدارى بار ىقشامدالعان پاپكا نەمەسە بۇلتتىق قويماعا سىلتەمە جاسالادى).

ءوتىنىش بەرۋ ءۇشىن قاجەتتى قۇجاتتار:

• اعىلشىن تىلىندەگى تۇيىندەمە

• ۇمىتكەردىڭ وقۋ ۇلگەرىمىن راستايتىن ترانسكريپت نەمەسە ءتيىستى قۇجاتتار

• 3 مينۋتتىق جەكە بەينە نەمەسە اكت نەگىزدەرىن بىلەتىنى جونىندە، سونداي-اق جۇڭگو مەملەكەتىنە دەگەن قىزىعۋشىلىعى مەن ءبىلىم الۋعا دەگەن قۇشتارلىعىن كورسەتەتىن 400-600 سوزدەن تۇراتىن موتيۆاسيالىق حات

• قاجەت بولعان جاعدايدا قوسىمشا ماتەريالدار.

ۇمىتكەرلەرگە قويىلاتىن كريتەرييلەر:

•ۇزدىك ۋنيۆەرسيتەتتەردىڭ وقۋ ۇلگەرىمى جاقسى باكالاۆريات-اسپيرانتتارىنىڭ اكت يندۋسترياسى مەن قىتايعا جانە وقۋعا دەگەن قۇلشىنىسى زور بولۋى كەرەك

• GPA 3.0 نەمەسە ودان جوعارى جانە فاكۋلتەتتە رەيتينگى 30% جوعارى بولۋى ءتيىس

• اعىلشىن ءتىلىنىڭ جوعارى دەڭگەيى.

ىرىكتەۋدىڭ العاشقى كەزەڭىنەن وتكەن ستۋدەنتتەر Huawei كومپانياسى وكىلدەرىمەن سۇحباتقا شاقىرىلادى. سونىڭ ناتيجەسى بويىنشا ۇزدىك ستۋدەنتتەر 2022 جىلدىڭ قاراشاسىندا باستالاتىن باعدارلامانىڭ قاتىسۋشىسى اتانادى. جوبا اعىلشىن تىلىندە وتەدى.

Huawei – اقپاراتتىق كوممۋنيكاسيا جانە ينفراقۇرىلىمدىق شەشىمدەردىڭ، سونداي-اق اقىلدى سمارت قۇرالداردىڭ جەتەكشى جاھاندىق جەتكىزۋشىسى. كومپانيا جۇمىسىنىڭ نەگىزگى باعىتى –تەلەكوممۋنيكاسيا جەلىلەرىن، اقپاراتتىق تەحنولوگيالار، سمارت قۇرىلعىلار جانە بۇلتتىق قىزمەتتەردى دامىتىپ كەلەدى. Huawei سيفرلىق تەحنولوگيانى بيزنەسكە دە، تۇتىنۋشىلارعا دا قولجەتىمدى ەتۋگە تىرىسىپ، وسىلايشا ينتەللەكتۋالدى، ءمىنسىز بايلانىس الەمىن قۇرۋعا تالپىنادى. Huawei كومپانياسىنىڭ كەشەندى پورتفوليوسىنداعى ونىمدەر، شەشىمدەر مەن قىزمەتتەر جوعارى سەنىمدىلىككە يە جانە باسەكەگە قابىلەتتى. كومپانيا ەكوجۇيە بويىنشا سەرىكتەستەرىمەن اشىق جۇمىس ىستەي وتىرىپ، ءوز تۇتىنۋشىلارىنىڭ مۇمكىندىك الاڭىن كەڭەيتۋ ارقىلى كوممەرسيالىق الەۋەتىن ارتتىرادى.

Huawei ينۆەستيسيانىڭ ەداۋىر بولىگىن الەمدىك پروگرەستى ىلگەرىلەتەتىن ىرگەلى زەرتتەۋلەرگە بولەدى. كومپانيادا الەمنىڭ 170-تەن استام ەلىنەن 188 مىڭنان استام قىزمەتكەر جۇمىس ىستەيدى. Huawei - 1987 جىلى قۇرىلعان جەكە كومپانيا. ول تولىعىمەن قىزمەتكەرلەردىڭ قۇزىرەتىندە.