AQSh-qa jumys sapary aiasynda Prezident Qasym-Jomart Toqaev Boeing korporatsiiasynyń basshylyǵymen kezdesti, dep habarlaidy Dalanews.kz.
Kezdesýde jańa ushaqtar satyp alý jáne Shymkentte tehnikalyq qyzmet kórsetý ortalyǵyn ashý máseleleri talqylandy.
Memleket basshysy Air Astana, SCAT jáne Vietjet Qazaqstan áýe tasymaldaýshylary birlesken jobalardy ilgeriletýge múddeli ekenin atap ótti. Prezident Air Astana men Boeing arasyndaǵy áýe kemelerin jetkizý týraly kelisimge qol jetkizilgenin quptady.
Jospar boiynsha, 2026 jyldyń ekinshi jartysynda Qazaqstanǵa Boeing 787 Dreamliner ushaqtary jetkiziledi. Bul AQSh-pen tikelei áýe qatynasyn iske qosýǵa múmkindik bermek.
Sonymen qatar SCAT kompaniiasy qosymsha Boeing ushaqtaryn satyp alýdy josparlap otyr. Budan bólek, áýekompaniia Shymkent áýejaiynda Boeing-pen seriktestikte tehnikalyq qyzmet kórsetý jáne jóndeý boiynsha alǵashqy ortalyq ashý múmkindigin qarastyrýda. Bul joba júzege assa, Qazaqstannyń ońtústigi óńirlik aviatsiialyq habqa ainalýy yqtimal.
Boeing kompaniiasynyń ókili Djeff Shokki tsifrlandyrý baǵytyndaǵy josparlarymen bólisip, Qazaqstannyń tranzittik áleýetin joǵary baǵalady. Ol júk aviatsiiasy salasynda yntymaqtastyqty keńeitýge múmkindik bar ekenin aitty.
Kezdesý barysynda otandyq aviatsiia salasyna mamandar daiarlaý jáne júk ushaqtary parkin damytý máseleleri de qozǵaldy.
Aita keteiik, buǵan deiin Prezident AQSh-tyń Halyqaralyq damý qarjy korporatsiiasynyń atqarýshy direktory Ben Blekpen de kezdesý ótkizgen edi.
