Saıram aýdanynda Táýelsizdiktiń 30 jyldyǵyna oraı «Máńgilik el jyrlaıdy» taqyrybynda respýblıkalyq aqyndar aıtysy ótti, – dep habarlaıdy Dalanews.kz Túrkistan oblysynyń Óńirlik komýnıkasıalar qyzmetine silteme jasap.

Dúbirli dodaǵa Bóribaı Orazymbet, Serik Qalıev, Bekarys Shoıbekov, Aqmaral Leýbaeva, Marjan Esjanova, Anar Japparqulova, Kárıma Oralova, Aıbek Qalıev syndy shaıyrlar qatysty.

Aıtysta aqyn Hanbıbi Esenqaraqyzy, jazýshy Marhabat Baıǵut, aqyn Narmahan Begalıev, dramatýrg Saıa Qasymbek, aqyn Sábıt Ábdiraıymov syndy azamattar qazylyq etti. Jyr dodasynyń júrgizýshisi belgili syqaqshy Kópen Ámirbek.

Retro aıtysta 4 jup óner kórsetip, saıys nátıjesinde bas júldeni túrkistandyq Bekarys Shoıbekov ıelendi. Al, birinshi oryn Serik Qalıevke buıyrsa, ekinshi oryndy Anar Japparqulova, al úshinshi oryndy Aıbek Qalıev enshiledi. Baq synaǵan ózge aıtyskerlerge arnaıy júldeler tabystaldy.

Qazylar alqasynyń tóraǵasy, jazýshy Marhabat Baıǵut uıymdastyrýshylar men aıtyskerlerge alǵys bildirdi.