سايرامدا رەسپۋبليكالىق رەترو ايتىس ٶتتٸ
سايرام اۋدانىندا تەۋەلسٸزدٸكتٸڭ 30 جىلدىعىنا وراي «مەڭگٸلٸك ەل جىرلايدى» تاقىرىبىندا رەسپۋبليكالىق اقىندار ايتىسى ٶتتٸ, – دەپ حابارلايدى Dalanews.kz تٷركٸستان وبلىسىنىڭ ٶڭٸرلٸك كوممۋنيكاتسييالار قىزمەتٸنە سٸلتەمە جاساپ.
دٷبٸرلٸ دوداعا بٶرٸباي ورازىمبەت, سەرٸك قاليەۆ, بەكارىس شويبەكوۆ, اقمارال لەۋباەۆا, مارجان ەسجانوۆا, انار جاپپارقۇلوۆا, كەريما ورالوۆا, ايبەك قاليەۆ سىندى شايىرلار قاتىستى.
ايتىستا اقىن حانبيبٸ ەسەنقاراقىزى, جازۋشى مارحابات بايعۇت, اقىن نارماحان بەگاليەۆ, دراماتۋرگ سايا قاسىمبەك, اقىن سەبيت ەبدٸرايىموۆ سىندى ازاماتتار قازىلىق ەتتٸ. جىر دوداسىنىڭ جٷرگٸزۋشٸسٸ بەلگٸلٸ سىقاقشى كٶپەن ەمٸربەك.
رەترو ايتىستا 4 جۇپ ٶنەر كٶرسەتٸپ, سايىس نەتيجەسٸندە باس جٷلدەنٸ تٷركٸستاندىق بەكارىس شويبەكوۆ يەلەندٸ. ال, بٸرٸنشٸ ورىن سەرٸك قاليەۆكە بۇيىرسا, ەكٸنشٸ ورىندى انار جاپپارقۇلوۆا, ال ٷشٸنشٸ ورىندى ايبەك قاليەۆ ەنشٸلەدٸ. باق سىناعان ٶزگە ايتىسكەرلەرگە ارنايى جٷلدەلەر تابىستالدى.
قازىلار القاسىنىڭ تٶراعاسى, جازۋشى مارحابات بايعۇت ۇيىمداستىرۋشىلار مەن ايتىسكەرلەرگە العىس بٸلدٸردٸ.
