Sairam aýdanynda 103 shaǵyn mal bordaqylaý alańy ashylǵan
Tynymsyz eńbektiń nátijesi bolsa kerek, 2017 jyly aýdannyń aýylsharýashylyǵy salasynda 58,8 mlrd. teńgeniń ónimi óndirildi. Ósim 103,6 paiyzdy qurap, oblys boiynsha 3 orynǵa turaqtady.
Atap aitar bolsaq, bir jyldyń kóleminde 26,7 myń tonna et, 119,3 myń tonna sút, 15,9 mln. dana jumyrtqa óndirildi. Jylyjai sharýashylyǵynda da alǵa jyljý bar. Máselen, ótken jyly 8,0 ga jerge jylyjailar salynyp, jalpy kólemi 27,35 gektarǵa ulǵaityldy. 103 birlik 10-15 bastyq shaǵyn mal bordaqylaý oryndary, 41 januialyq sút aýlalary ashyldy. 2017 jyldyń 26 qazany kúni oblysta aýyl sharýashylyǵy eńbekkerleriniń «AGROFEST-2017» merekesi ótkizilip, jyl qortyndysymen aýdan eńbekkerleri oblysta sút óndirýden I oryn, kókónis óndirýden II oryn jáne et, maqsary óndirý men tamshylatyp sýǵarý ádisin endirýden III oryndardy ielenip, marapattaldy.
«Ynta bolsa adamda, qiyn is joq ǵalamda». Ynta bolsa alǵa qoiǵan maqsattar men mindetterdiń oryndalary haq. Osy oraida, aýylsharýashylyq jáne basqa da salalardy meilinshe júzege asyrý úshin damý baǵdarlamasy daiyndalǵan. Atalǵan qujatqa sáikes, 2020 jylǵa deiin aýylsharýashylyq óniminiń kólemin 64 mlrd. teńgege, tamshylatyp sýǵarý ádisin 913 gektarǵa, jylyjai kólemin 60 gektarǵa jetkizý josparlanyp otyr. Al, 2018 jylǵy mejege sáikes, aýyl sharýashylyq ónim kólemin 59,5 mlrd. teńgege jetkizý kódelgen.
Elbasynyń «100 naqty qadam - Ult josparyndaǵy» 60-61 qadamynda et jáne sút ónimderin óndirý, olardy jańa tehnologiialar negizinde qaita óńdeý kólemin arttyrý aitylǵan. Al, 2021 jylǵa qarai aýdandaǵy qaita óńdeý kásiporyndary óndirilgen ónimderdiń óńdeý úlesin, máselen, et óńdeýdi 21 paiyzǵa, sút óńdeýdi 23 paiyzǵa, kókónis-jemis óńdeýdi 46 paiyzǵa jetkizý josparlap otyr.
Sairam aýdany ákiminiń baspasóz qyzmeti
