Jańadan qurylǵan Abai oblysynyń delegattary Túrkistan oblysy, Sairam aýdanynyń turǵyndarymen kezdesý úshin arnaiy keldi.
Mankent aýyldyq okrýginde ótken jiynǵa Borodýliha aýdandyq jumyspen qamtý jáne áleýmettik baǵdarlamalar bóliminiń basshysy A.Baibolova, «Halyqty jumyspen qamtý ortalyǵynyń» mamany E.Hýsainova, Borodýliha aýdanyna qarasty Stepnoi aýyldyq okrýginiń ákimi Á.Júnisov, «AMANAT» partiiasy Sairam aýdandyq filialynyń atqarýshy hatshysy A.Ábdiqadyrov, Mankent aýyldyq okrýg ákimi A.Saitmýratov qatysty.
Kezdesýde jergilikti turǵyndarǵa baǵdarlamanyń jańa tásilderi, qonys aýdarǵan azamattarǵa qarastyrylǵan múmkindikter túsindirildi.
Atap aitqanda baspanamen qamtý, jumys oryndary, memleket tarapynan kórsetiletin qarjylai jáne kásipkerlik qoldaý túrleri aityldy.
Endi áleýmettik kelisimshart boiynsha qonys aýdarýshylar óńirde 5 jyl turaqtaýy tiis. Iaǵni 1 jyldan 5 jylǵa deiin uzartyldy. Bul da ózgeristerdiń qatarynda. Delegattardyń habarlaýynsha, Úkimet tarapynan qonys aýdarýshylardy qoldaý boiynsha ataýly áleýmettik kómek mólsherin ulǵaitý da qarastyrylýda.
Jiyn barysynda turǵyndar tarapynan qyzyǵýshylyq tanytqandar tabylyp, 13 otbasy kóshýge niet bildirdi. Túsindirý jumystary turaqty júrgizilse, bul kórsetkish artady dep kútilýde.
Óitkeni, byltyr tiimdi uiymdastyrýdyń nátijesinde Sairam aýdanynan 42 otbasy quramynda 141 adam qonys aýdarǵan. Al oblys kóleminde 2022 jyldyń 1 mamyrdaǵy jaǵdai boiynsha 112 otbasy, iaǵni 354 adam Soltústikke kóshken.
1.Qonys aýdarýshylarǵa kórsetiletin materialdyq kómekter:
- árbir otbasy múshelerine 214 410 teńge (70 AEK);
2.Turǵyn úidi jaldaý jáne kommýnaldyq qyzmetterge sýbsidiia qalalyq jerlerge:
- 1 adam úshin 61 260 teńge (20 AEK);
- adam sany 2-4 deiin 76 575 teńge (25 AEK);
- adam sany 5 jáne odan kóp 91 890 teńge (30 AEK) tólenedi;
Aýyldyq jerlerge qonys aýdarǵandar úshin:
- 1 adam úshin 45 945 teńge (15 AEK);
- adam sany 2-4 deiin 55 134 teńge (18 AEK);
- adam sany 5 jáne odan kóp 64 323 teńge (21 AEK) tólenedi;
- Aýyldyq jerlerde jańa turǵyn úi salý (100 kv.m) shyǵystaryn 50%-ǵa deiin sýbsidiialaý;
- Baý-baqsha ósirýge 1 gektar jer qarastyrylady.
