جىل باسىندا 2022-2026 جىلدارعا ارنالعان «ەڭبەك» ۇلتتىق جوباسى ازىرلەندى. بيىل ەڭبەك جانە حالىقتى الەۋمەتتىك قورعاۋ مينيسترلىگى اتالعان باعدارلاما بويىنشا سولتۇستىك وڭىرلەرگە قونىس اۋدارۋشىلار ءۇشىن 6587 وتباسىعا كۆوتا بەلگىلەنىپ وتىر.  «AMANAT» پارتياسىنىڭ تۇركىستان وبلىسىنا قاراستى فيليالدارى باعدارلامانى كەڭىنەن ناسيحاتتاۋ، ەڭبەك كۇشىنىڭ ۇتقىرلىعىن ارتتىرۋ جانە ۇيىمداستىرۋ جۇمىستارىنا بەلسەنە اتسالىسىپ كەلەدى. جاندانعان جوبانى ءتۇسىندىرۋ ماقساتىندا سايرام اۋدانىندا تۇرعىندارمەن كەزدەسۋ ءوتتى، – دەپ حابارلايدى Dalanews.kz «AMANAT» پارتياسى تۇركىستان وبلىستىق فيليالىنىڭ باسپا ءسوز قىزمەتىنە سىلتەمە جاساپ.

جاڭادان قۇرىلعان اباي وبلىسىنىڭ دەلەگاتتارى تۇركىستان وبلىسى، سايرام اۋدانىنىڭ تۇرعىندارىمەن كەزدەسۋ ءۇشىن ارنايى كەلدى.

مانكەنت اۋىلدىق وكرۋگىندە وتكەن جيىنعا بورودۋليحا اۋداندىق جۇمىسپەن قامتۋ جانە الەۋمەتتىك باعدارلامالار ءبولىمىنىڭ باسشىسى ا.بايبولوۆا، «حالىقتى جۇمىسپەن قامتۋ ورتالىعىنىڭ» مامانى ە.حۋساينوۆا، بورودۋليحا اۋدانىنا قاراستى ستەپنوي اۋىلدىق وكرۋگىنىڭ اكىمى ءا.ءجۇنىسوۆ، «AMANAT» پارتياسى سايرام اۋداندىق فيليالىنىڭ اتقارۋشى حاتشىسى ا.ءابدىقادىروۆ، مانكەنت اۋىلدىق وكرۋگ اكىمى ا.سايتمۋراتوۆ قاتىستى.

كەزدەسۋدە جەرگىلىكتى تۇرعىندارعا باعدارلامانىڭ جاڭا تاسىلدەرى، قونىس اۋدارعان ازاماتتارعا قاراستىرىلعان مۇمكىندىكتەر ءتۇسىندىرىلدى.

اتاپ ايتقاندا باسپانامەن قامتۋ، جۇمىس ورىندارى، مەملەكەت تاراپىنان كورسەتىلەتىن قارجىلاي جانە كاسىپكەرلىك قولداۋ تۇرلەرى ايتىلدى.

ەندى الەۋمەتتىك كەلىسىمشارت بويىنشا قونىس اۋدارۋشىلار وڭىردە 5 جىل تۇراقتاۋى ءتيىس. ياعني 1 جىلدان 5 جىلعا دەيىن ۇزارتىلدى. بۇل دا وزگەرىستەردىڭ قاتارىندا. دەلەگاتتاردىڭ حابارلاۋىنشا، ۇكىمەت تاراپىنان قونىس اۋدارۋشىلاردى قولداۋ بويىنشا اتاۋلى الەۋمەتتىك كومەك مولشەرىن ۇلعايتۋ دا قاراستىرىلۋدا.      

جيىن بارىسىندا تۇرعىندار تاراپىنان قىزىعۋشىلىق تانىتقاندار تابىلىپ، 13 وتباسى كوشۋگە نيەت ءبىلدىردى. ءتۇسىندىرۋ جۇمىستارى تۇراقتى جۇرگىزىلسە، بۇل كورسەتكىش ارتادى دەپ كۇتىلۋدە.

ويتكەنى، بىلتىر ءتيىمدى ۇيىمداستىرۋدىڭ ناتيجەسىندە سايرام اۋدانىنان 42 وتباسى قۇرامىندا 141 ادام قونىس اۋدارعان. ال وبلىس كولەمىندە 2022 جىلدىڭ 1 مامىرداعى جاعداي بويىنشا 112 وتباسى، ياعني 354 ادام سولتۇستىككە كوشكەن.

1.قونىس اۋدارۋشىلارعا كورسەتىلەتىن ماتەريالدىق كومەكتەر:

- ءاربىر وتباسى مۇشەلەرىنە 214 410 تەڭگە (70 اەك)؛

2.تۇرعىن ءۇيدى جالداۋ جانە كوممۋنالدىق قىزمەتتەرگە سۋبسيديا قالالىق جەرلەرگە:

- 1 ادام ءۇشىن 61 260 تەڭگە (20 اەك)؛

- ادام سانى 2-4 دەيىن 76 575 تەڭگە (25 اەك)؛

- ادام سانى 5 جانە ودان كوپ 91 890 تەڭگە (30 اەك) تولەنەدى؛

اۋىلدىق جەرلەرگە قونىس اۋدارعاندار ءۇشىن:

- 1 ادام ءۇشىن 45 945 تەڭگە (15 اەك)؛

- ادام سانى 2-4 دەيىن 55 134 تەڭگە (18 اەك)؛

- ادام سانى 5 جانە ودان كوپ 64 323 تەڭگە (21 اەك) تولەنەدى؛

3. اۋىلدىق جەرلەردە جاڭا تۇرعىن ءۇي سالۋ (100 كۆ.م) شىعىستارىن 50%-عا دەيىن سۋبسيديالاۋ؛


4. باۋ-باقشا وسىرۋگە 1 گەكتار جەر قاراستىرىلادى.