Sailaýǵa qatysamyn ba, joq pa, ony partiia basshylyǵy sheshedi – Erlan Sairov
– Búgin Prezident Qasym-Jomart Toqaev Májilisti taratý jóninde Jarlyqqa qol qoidy. Muny durys sheshim dep esepteimin. Sebebi, osydan eki jyl buryn elimizde saiasi reformalar bastaldy. Bul reformany Memleket basshysy ózinen bastaǵan bolatyn. Prezident bir merzimge ǵana sailanatyn boldy. Sol sebepti, Májilistiń bolashaqtaǵy jańa quramy Prezident Toqaevtyń saiasi transformatsiia baǵdarlamasynyń logikalyq jalǵasy, – dedi.
Sondai-aq, endigi sailanatyn jańa májilismender men máslihat depýtattary keibiri tikelei sailaýdan, endi biri partiiadan ótedi. Jańa quramnyń kelýi urpaqtar sabaqtastyǵyn kórsetedi dep sanaidy.
– Zaman ózgerip keledi, soǵan qarai qoǵam ózgerýi kerek. Bul elimizdegi demokratiiany arttyratyn qadam. Májilis depýtaty retinde 2 jyldyq qyzmetti de eńserdik. Osy ýaqytta zań shyǵarý salasyna tereń boiladyq, azamattardyń talap-tilekterin jan-jaqty qarastyrý basty mindet boldy. Ózim sailaýǵa qatysamyn ba, joq pa ony partiia basshylyǵy sheshedi, – dedi Erlan Sairov.
