Partiialyq emes baiqaý ortalyǵy eldiń sailaý protsesterine júieli túrde qatysady.
Memleket basshysy 2022 jylǵy 20 qarashaǵa Qazaqstan Respýblikasy Prezidentiniń sailaýyn taǵaiyndady.
Biliktiń ashyqtyǵy men qoǵamǵa esep berýin qamtamasyz etý qaǵidattaryna adaldyqty basa kórsete otyryp, biz sailaý protsesine belsendi qatysýǵa jáne prezidenttik sailaýdy obektivti baqylaýdy júzege asyrýǵa nietimizdi bildiremiz.
Biz, azamattyq qoǵam ókilderi demokratiiany damytýdy, qoǵamnyń memleketti basqarýdaǵy múmkindikterin keńeitýdi jaqtaimyz.
Aldaǵy sailaý – árbir qazaqstandyq úshin mańyzdy oqiǵa, ol elimizdiń kóshbasshysyna qatysty halyqtyń tańdaýyn anyqtaidy.
Bizdiń basty maqsatymyz – búkil sailaý protsesiniń zańdylyǵy men ádildigin qamtamasyz etý, daýys berýdiń ashyqtyǵy men jariialylyǵynyń múltiksiz saqtalýyna atsalysý.
Biz sailaýǵa daiyndyqtyń barlyq satylarynda jáne daýys berý kúninde baiqaýdy qamtamasyz etý úshin azamattyq qoǵam kúshterin tartýǵa niettimiz.
Biz – ádil sailaý úshin, erteńgi kúnge degen senim úshin, elimizdiń jarqyn bolashaǵy úshin!
