Aimaqtyń «Qurmetti azamaty», ardager sportshy Jambyl Tasemenov ózi tirkelgen ýchaskege otbasymen baryp, el erteńi úshin daýys berdi. Abyz aqsaqal memleketimizdiń bolashaǵy jarqyn bolatynyna senimdi.
– Aldaǵy ýaqytta sailanǵan Prezidentimiz mańyzdy máselelerdi sheship, halyqtyń jaqsartqanyn qalaimyn. Sol úshin sailaýǵa qatysyp, óz tańdaýymydy jasadym. Búginde jas balalardy tárbielep, sportqa beiimdeýdiń mańyzy zor. Halqymyz jappai sportpen ainalyssa, densaýlyǵy myqty bolady. Men ózim sport mańynda kóp jyl qyzmet istedim. Sondyqtan sony qalaimyn, – deidi QR qurmetti sport qairatkeri Jambyl Tasemenov.
Soltústik Qazaqstan oblysynda da sailaý zań aiasynda ótti. Saiasi naýqan barsynda zańbuzýshylyq oqiǵalary tirkelgen joq. Saiasi naýqan kezinde oblysta barlyǵy 640 sailaý ýchaskesi jumys istegen.
Sailaýǵa kelip óz tańdaýyn jasaǵan halyqtyń kóterińki, erteńgi kúnge degen senimi zor. Oblys boiynsha sailaý naýqanynyń zań aiasynda ótýin 3643 baiqaýshy baqylaǵan. 18 baiqaýshy syrt elderden sailaýdy baqylaý úshin kelgen mamandar. Olar top-topqa bólinip, oblys ortalyǵymen aýdandardy aralap shyqty.
– Tańǵy jetiden keshki onǵa deiin júmysta boldyq. Bizdiń Petropavl qalasynda 23 baqylaýshy boldy, kordinatordy sanamaǵanda. Jalpy sailaý oidaǵydai ótti aitýǵa bolady. Zańbuzýshylyqtar tirkelgen joq, – dedi «El daýysy» qoǵamdyq qorynyń baiqaýshysy Muhtar Qaliev.
