ايماقتىڭ «قۇرمەتتٸ ازاماتى», ارداگەر سپورتشى جامبىل تاسەمەنوۆ ٶزٸ تٸركەلگەن ۋچاسكەگە وتباسىمەن بارىپ, ەل ەرتەڭٸ ٷشٸن داۋىس بەردٸ. ابىز اقساقال مەملەكەتٸمٸزدٸڭ بولاشاعى جارقىن بولاتىنىنا سەنٸمدٸ.
– الداعى ۋاقىتتا سايلانعان پرەزيدەنتٸمٸز ماڭىزدى مەسەلەلەردٸ شەشٸپ, حالىقتىڭ جاقسارتقانىن قالايمىن. سول ٷشٸن سايلاۋعا قاتىسىپ, ٶز تاڭداۋىمىدى جاسادىم. بٷگٸندە جاس بالالاردى تەربيەلەپ, سپورتقا بەيٸمدەۋدٸڭ ماڭىزى زور. حالقىمىز جاپپاي سپورتپەن اينالىسسا, دەنساۋلىعى مىقتى بولادى. مەن ٶزٸم سپورت ماڭىندا كٶپ جىل قىزمەت ٸستەدٸم. سوندىقتان سونى قالايمىن, – دەيدٸ قر قۇرمەتتٸ سپورت قايراتكەرٸ جامبىل تاسەمەنوۆ.
سولتٷستٸك قازاقستان وبلىسىندا دا سايلاۋ زاڭ اياسىندا ٶتتٸ. ساياسي ناۋقان بارسىندا زاڭبۇزۋشىلىق وقيعالارى تٸركەلگەن جوق. ساياسي ناۋقان كەزٸندە وبلىستا بارلىعى 640 سايلاۋ ۋچاسكەسٸ جۇمىس ٸستەگەن.
سايلاۋعا كەلٸپ ٶز تاڭداۋىن جاساعان حالىقتىڭ كٶتەرٸڭكٸ, ەرتەڭگٸ كٷنگە دەگەن سەنٸمٸ زور. وبلىس بويىنشا سايلاۋ ناۋقانىنىڭ زاڭ اياسىندا ٶتۋٸن 3643 بايقاۋشى باقىلاعان. 18 بايقاۋشى سىرت ەلدەردەن سايلاۋدى باقىلاۋ ٷشٸن كەلگەن ماماندار. ولار توپ-توپقا بٶلٸنٸپ, وبلىس ورتالىعىمەن اۋدانداردى ارالاپ شىقتى.
– تاڭعى جەتٸدەن كەشكٸ ونعا دەيٸن جٷمىستا بولدىق. بٸزدٸڭ پەتروپاۆل قالاسىندا 23 باقىلاۋشى بولدى, كورديناتوردى ساناماعاندا. جالپى سايلاۋ ويداعىداي ٶتتٸ ايتۋعا بولادى. زاڭبۇزۋشىلىقتار تٸركەلگەن جوق, – دەدٸ «ەل داۋىسى» قوعامدىق قورىنىڭ بايقاۋشىسى مۇحتار قاليەۆ.
