Belgili saiasattanýshy Daniiar Áshimbaev Pýtin men Nazarbaevtyń kezdesýi týraly oiyn aitty, - dep habarlaidy Dalanews.kz.
Pýtin men Nazarbaevtyń kezdesýi jelide qyzý talqylanǵan bolatyn.
"Keibir adamdar bul áńgimeni qarapaiym etip jetkizgeni sonsha, kezdesýde ondaǵan jýrnalist pen blogerler bolǵandai áser qaldyrdy", - deidi ol.
Onyń sózinshe, bilikke jaqyn adamdardyń da, táýelsiz sarapshy sanalatyndardyń da Nazarbaevsyz ishteri pysady.
"Al endi aqparattyq keńistikte ol týraly jańalyq shyqqan soń, birden tonnalaǵan konspirologiiany jarysa jazyp jatyr. Nazarbaev pen Pýtinniń kezdesýi Qazaqstan men Resei arasyndaǵy qarqyndy damyp kele jatqan qarym-qatynastar aiasynda Toqaevqa qarsy baǵyttalýy múmkin degen pikirdiń negizsiz ekenin atap ótkim keledi.
Kezdesýdiń mánin túsiný úshin Resei prezidenti postkeńestik keńistik pen onyń ońtústik shekaralaryna qatysty máselelerde tájiribesi mol áriptesimen keńesý úshin shaqyrǵan bolýy múmkin degen boljam áldeqaida qisyndy. Pýtin bilikte shirek ǵasyr bolsa da, Nazarbaevtyń saiasi tájiribesi odan áldeqaida úlken, jáne onyń bilimin, danalyǵyn ortaq igilikke paidalanbaý aqylǵa syimaityn áreket bolar edi", - deidi Áshimbaev.
Sonymen qatar,saiasattanýshy Vladimir Pýtin men Nursultan Nazarbaevtyń arasynda berik ári senimdi qarym-qatynas qalyptasqanyn atap ótti.
"Jaqyn áriptestikten keiin olardyń bailanysy beiresmi formatta jalǵasyp keledi. Bul jerde qylmystyq nemese kúmándi eshteńe kórip turǵan joqpyn", - deidi Daniiar Áshimbaev.
Aita keteiik, 14 jeltoqsanda Resei prezidenti Vladimir Pýtin óziniń Novo-Ogariovo rezidentsiiasynda Qazaqstannyń eks-prezidenti Nursultan Nazarbaevty qabyldady. Alaida kezdesý týraly eshqandai tolyq aqparat joq.
Ermurat Bapidiń pikirinshe, bul kezdesýdiń saiasi astary bar.
"Men ol jerde bolǵan joqpyn. Biraq menińshe, ol (Nazarbaev - red.) qandai da bir kepildikke muqtaj boldy. Nazarbaev otstavkaǵa keter aldynda birinshi kezekte Resei prezidentimen keńesken dep oilaimyn. Ol kepildik aldy, onsyz mundai sheshim qabyldamas edi. Al qazir, múmkin sol kepildikti "jańartý" úshin bardy. Ol áli de qoǵamda óz mańyzdylyǵyn joǵaltpadym dep oilaidy", - dedi depýtat májilis kýlýarynda.
Keibir saiasattanýshylar Pýtin bul kezdesý arqyly Qasym-Jomart Toqaevqa qandai da bir belgi berip, eskertý jasaýda dep sanaidy. Ermurat Bapi bul nusqany qisyndy dep esepteidi.
"Sizder baiqadyńyzdar ma, Táýelsizdik kúnimen TMD elderiniń kóbi, kóptegen shet elder quttyqtady. Aqorda saityna kirińizder, Pýtinniń quttyqtaýy joq. Bul neni bildiredi? Mysaly, men qatty alańdaimyn. Ol bizdiń táýelsizdigimizdi moiyndaǵysy kelmei me? Ótken aptada ǵana Resei Qaýipsizdik keńesi tóraǵasynyń orynbasary Medvedev taǵy qandai da bir elderdi odaqqa qosý múmkindigi týraly aitqan bolatyn. Osy turǵyda ol belgi bergendei. Al bir aptadan keiin Qazaqstan úshin uly kún - Táýelsizdik kúni ótti, biraq Pýtinnen quttyqtaý joq. Mundai jaǵdailardan ártúrli qorytyndy shyǵarýǵa bolady", - dep boljaidy ol.
Sonymen qatar, Ermurat Bapi bul kezdesý ekinshi Qańtardyń belgisi bolýy múmkin degen pikirmen kelispeidi.
