Ministr Saiasat Nurbek oqý oryndarynda diplom satylýyna qatysty pikir bildirdi, - dep habarlaidy Dalanews.kz.
"Mundai derekter kóbeiip barady. Tipti depýtattar da diplomdy satyp alýǵa tyrysady. Mundai qujattardy satyp alǵandarǵa eskertý jasaǵym keledi, Qylmystyq kodekste jalǵan qujattardy paidalanýdy retteitin jeke bap bar.
Eger adam ony satyp alyp, jalǵan ekenin bile tura, jumysqa ornalasýǵa jáne resmi qujat retinde usynýǵa tyryssa, 40 kúnge qamalady nemese 600 saǵatqa deiin qoǵamdyq jumystarǵa tartylady", - dedi Saiasat Nurbek.
Onyń sózinshe, qazir Ishki ister ministrligimen jumys júrgizilip jatyr.
"Biz osy derekterdiń barlyǵyn tekserý úshin IIM-ge hat joldadyq. Internet platformalar, habarlandyrýlar arqyly jalǵan qujattardy satatyn adamdar boiynsha jeke jumys jospary bolady", - dedi vedomstvo basshysy.
Ministr jalǵan diplomdy qazirgi diplomnan qalai ajyratýǵa bolatynyn da túsindirdi. Árbir qujatta biregei JSN jáne QR-kod bolady. Bul arqyly derekti joǵary bilim berýdi damytý ulttyq ortalyǵynyń portalyna engizýge jáne diplomnyń sol jerde tirkelgenin nemese tirkelmegenin tekserýge bolady.
