Shahtinskide mas kúiinde gaz ballonyn jaryp jiberemin dep qorqytqan er adam 16 táýlikke ákimshilik qamaýǵa alyndy, dep habarlaidy dalanews.kz.
Oqiǵa 2 qyrkúiekte bolǵan. Azamat S. alkogoldik ishimdik iship, turǵyn úide gaz ballonyn jaryp jiberemin dep qorqytqan. Oqiǵa ornyna kelgen politsiia qyzmetkerleri esikti ashýdy talap etken, alaida ol talapty oryndamai, balaǵat sózder aitqan.
Jaǵdaidyń qaýiptiligine bailanysty oqiǵa ornyna Tótenshe jaǵdailar qyzmetiniń mamandary, sonyń ishinde turǵyndardy evakýatsiialaý úshin mamandar shaqyrylǵan. Biraz ýaqyttan keiin er adam esikti ózi ashqan. Ony ustaý kezinde politsiia qyzmetkerleriniń zańdy talaptaryna baǵynbaǵan.
Oqiǵa saldarynan beibit turǵyndar arasynda zardap shekkender joq.
Sotta er adamnyń kinási ákimshilik quqyq buzýshylyq týraly hattamamen, kýálardyń túsiniktemelerimen jáne sot otyrysynda zerttelgen basqa da dáleldermen rastalǵan.
Shahtinsk qalalyq sotynyń 3 qyrkúiektegi qaýlysymen S. Ákimshilik quqyq buzýshylyq týraly kodekstiń 434-babynyń 2-bóligi jáne 667-babynyń 1-bóligi boiynsha kináli dep tanyldy.
434-baptyń 2-bóligi boiynsha oǵan 15 táýlik, al 667-baptyń 1-bóligi boiynsha 1 táýlik ákimshilik qamaý taǵaiyndaldy. Jazalardy biriktirý nátijesinde er adam 16 táýlikke ákimshilik qamaýǵa alyndy.
Sot jaza taǵaiyndaý kezinde quqyq buzýshylyqtyń sipatyn, kináliniń jeke basyn, sondai-aq quqyq buzýshylyqqa deiingi jáne keiingi minez-qulqyn eskergen. Jaýapkershilikti jeńildetetin mán-jai retinde onyń jasaǵan áreketine ókinýi tanyldy.
Sonymen qatar S.-nyń minez-qulqyna 3 ai merzimge arnaiy talaptar belgilendi. Oǵan alkogoldik ishimdikterdi, esirtki jáne psihotroptyq zattardy qoldanýǵa tyiym salyndy. Sondai-aq profilaktikalyq áńgimelesý úshin aiyna úsh ret Shahtinsk qalasynyń politsiia bólimine kelý mindeti júkteldi.
Sot qaýlysy zańdy kúshine engen joq.
