Ýkraın áskerı ushqyshy Nadejda Savchenko aıyptaý úkimi shyqqan jaǵdaıda apelásıalyq shaǵym bermeıtinin málimdedi.
Beısenbi kúni sýdıa Leonıd Stepanenko Nadejda Savchenkonyń ústinen ótip jatqan Donesk qalalyq sotynyń otyrysyn sottalýshyǵa sońǵy sózin aıtýǵa múmkindik bermeı toqtatyp tastady. Nadejda Savchenkonyń daıyndaǵan sońǵy sóziniń mátinin onyń sińlisi Vera Savchenko taratty.
Onda Nadejda Savchenko aıypty da, úkimdi de, reseı sotyn da moıyndamaıtynyn jáne aıyptaý úkimi shyqqan jaǵdaıda apelásıaǵa bermeıtinin jazady. "Adamdardy urlap, olardy qınaǵandardyń, keıin ózderiniń sottaýǵa da quqyǵy bar ekenin kórsetkenderi aqylǵa syımaıtyn jaǵdaı", – deıdi ol.
Buǵan deıin prokýror Nadejda Savchenkoǵa jalpy tártiptegi kolonıaǵa 23 jylǵa sottaýdy jáne 100 myń rúbl kóleminde aıyppul tóletýdi suraǵan edi.
Reseıde Nadejda Savchenkony Lýgansk túbindegi eki reseılik jýrnalısiń ólimine qatysy bar jáne Reseı shekarasynan zańsyz ótken dep aıyptaıdy. Savchenko barlyq aıyptaýdy joqqa shyǵarady jáne tutqynǵa túsken ózin separatısterdiń Reseı asyrǵanyn aıtady.
