ۋكراين ەسكەري ۇشقىشى نادەجدا ساۆچەنكو ايىپتاۋ ٷكٸمٸ شىققان جاعدايدا اپەللياتسييالىق شاعىم بەرمەيتٸنٸن مەلٸمدەدٸ.
بەيسەنبٸ كٷنٸ سۋديا لەونيد ستەپانەنكو نادەجدا ساۆچەنكونىڭ ٷستٸنەن ٶتٸپ جاتقان دونەتسك قالالىق سوتىنىڭ وتىرىسىن سوتتالۋشىعا سوڭعى سٶزٸن ايتۋعا مٷمكٸندٸك بەرمەي توقتاتىپ تاستادى. نادەجدا ساۆچەنكونىڭ دايىنداعان سوڭعى سٶزٸنٸڭ مەتٸنٸن ونىڭ سٸڭلٸسٸ ۆەرا ساۆچەنكو تاراتتى.
وندا نادەجدا ساۆچەنكو ايىپتى دا, ٷكٸمدٸ دە, رەسەي سوتىن دا مويىندامايتىنىن جەنە ايىپتاۋ ٷكٸمٸ شىققان جاعدايدا اپەللياتسيياعا بەرمەيتٸنٸن جازادى. "ادامداردى ۇرلاپ, ولاردى قيناعانداردىڭ, كەيٸن ٶزدەرٸنٸڭ سوتتاۋعا دا قۇقىعى بار ەكەنٸن كٶرسەتكەندەرٸ اقىلعا سىيمايتىن جاعداي", – دەيدٸ ول.
بۇعان دەيٸن پروكۋرور نادەجدا ساۆچەنكوعا جالپى تەرتٸپتەگٸ كولونيياعا 23 جىلعا سوتتاۋدى جەنە 100 مىڭ رۋبل كٶلەمٸندە ايىپپۇل تٶلەتۋدٸ سۇراعان ەدٸ.
رەسەيدە نادەجدا ساۆچەنكونى لۋگانسك تٷبٸندەگٸ ەكٸ رەسەيلٸك جۋرناليستٸڭ ٶلٸمٸنە قاتىسى بار جەنە رەسەي شەكاراسىنان زاڭسىز ٶتكەن دەپ ايىپتايدى. ساۆچەنكو بارلىق ايىپتاۋدى جوققا شىعارادى جەنە تۇتقىنعا تٷسكەن ٶزٸن سەپاراتيستەردٸڭ رەسەي اسىرعانىن ايتادى.
