Saýran aýdanyna qarasty Oranǵaı aýyldyq okrýginde «SOFT HAÝS» sehynyń ashylý rásimi ótti. Sharaǵa aýdan ákimi Maqsat Tańǵatarov, kásipkerlik jáne týrızm bóliminiń basshysy Sultanǵalı Shakırov, Oranǵaı aýyldyq okrýginiń ákimi Berik Qýandyq, aýyl aqsaqaldary jáne buqaralyq aqparat quraldarynyń ókilderi qatysty, dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.
Jeke kásipker Shavkatjan Iskakov óz qarajaty esebinen osy kásipti bastaǵan. Búginde óndiris ornyn keńeıtip, ashylyp otyrǵan sehtyń aýmaǵy 1,0 gektardy quraıdy. Jobanyń jalpy quny – 500 mln. teńge, zamanaýı tehnologıalarmen jabdyqtalǵan seh jylyna 2 myńǵa jýyq jumsaq jıhaz ónimderin shyǵarýǵa qaýqarly.
Búginde 15 azamatty turaqty jumyspen qamtyp otyr. Jumysshylardyń jalaqysy 150-200 myń teńge kóleminde. «SOFT HAÝS» jıhazynyń ónimderi búginde suranysqa ıe. Qazirgi tańda Qazaqstannyń barlyq aımaqtarymen qatar, kórshiles Qyrǵyzstan eline ótkiziledi. Jıhaz jasaýshy óndiristiń áleýeti zor. Negizgi arnaıy jabdyqtardy Qytaı, Reseı, Túrkıa elderinen aldyrtady. Osylaısha otandyq taýarlar ishki naryqta suranysqa ıe bolyp, óziniń ónim kólemin aıtarlyqtaı arttyryp otyr.
– Jıhaz óndirý salasy qarqyndy damyp, kásip jasaımyn degen azamattarǵa memleket tarapynan árdaıym qoldaý taýyp keledi. Otandyq naryqta básekege qabilettilik ósýde. Jyldan jylǵa elimizde turǵyn úı qurylysy qarqyndy júrip jatyr. Bul jıhazǵa degen qajettilikti arttyrady. Osylaısha bizdiń ónimder suranysqa ıe bolyp, óz kásibimizdiń keńeıýine jol ashylýda, – deıdi óndiris ornynyń basshysy Shavkatjan Mamırjanuly.
