Eýraziialyq ekonomikalyq komissiianyń málimetteri boiynsha, Qazaqstan azyq-túlik taýarlarynyń baǵasynyń ósý qarqynynda eń tómengi kórsetkishti ielendi, iaǵni Armeniiadan keiin orynda tur. Qazaqstanda bul kórsetkish 2,9%-dy qurasa, Reseide - 4,5%, Belarýste - 3,7%, dep habarlaidy Dalanews.kz.
Qyrkúiek aiynda Qazaqstanda jyldyq infliatsiia 8,3%-ǵa deiin baiaýlady, azyq-túlik baǵasynyń ósý qarqyny jyldyq mánde 5,1%-ǵa deiin tómendedi.
"Toǵyz aidyń qorytyndysy boiynsha azyq-túlik baǵasy tamyz aiymen salystyrǵanda turaqty qaldy. 7 taýar boiynsha kórsetkisht tómendegen. Onyń ishinde sábiz, kúrish, jumyrtqa, qyryqqabat, qaraqumyq, kúnbaǵys maiy jáne un bar", delingen ministrlik habarlamasynda.
Baǵany turaqtandyrý úshin QR Saýda jáne integratsiia ministrligi qoldaý sharalaryn júzege asyrýda, sonyń ishinde:
- otandyq óndiristi qoldaityn ÁMAT-ryn basymdyqpen qarjylandyrý;
- maýsymaralyq kezeńde taýar interventsiialary;
- saýda ústemesin baqylaý;
- deldaldardy boldyrmaý úshin baǵa belgileý tizbegin taldaýdy kúsheitý;
- zamanaýi saýda formattary men infraqurylymyn damytý.
Jyl basynan beri Saýda jáne integratsiia ministrliginiń aýmaqtyq bólimsheleri saýda ústemesin asyra qoldanǵany úshin 4014 ákimshilik qaýly shyǵardy.
"Jalpy somasy 25 mln teńgege 667 aiyppul men 3,3 myńnan astam eskertý jasaldy. Ótken jyldyń osy kezeńimen salystyrǵanda qaýlylar sany 4 ese ósti, bul ministrliktiń baqylaýdy tiimdi júrgizip jatqanyn kórsetedi", delingen habarlamada.
Buzýshylyqtardy anyqtaýdyń mańyzdy quraly retinde elektrondyq shot-faktýralardyń (ESF) taldaýy qoldanylady. Alty ai ishinde azyq-túlik taýarlaryn jetkizý tizbekteriniń 8,9 myńnan astamy taldanyp, saýda zańnamasyn buzýdyń 3 myńnan astam táýekelderi anyqtaldy.
Saýda ústemesin asyra qoldanǵany úshin ákimshilik jazalardy kúsheitý boiynsha Ákimshilik quqyq buzýshylyq Kodeksine túzetýler engizý ázirlendi. Atap aitqanda, sýbektilikke bailanysty birinshi buzýshylyq úshin eskertýdi 5-ten 150 AEK-ke deiin aiyppulmen almastyrý usynylady.
"Deldaldyq shemalardy tergeý boiynsha óńirlik komissiialar belsendi jumys isteýde. Jyl basynan beri komissiialardyń 1169 otyrysy ótkizilip, shamamen 3,2 myńǵa jýyq ónimsiz deldaldyq pen saýda ústemesin asyrý faktileri anyqtaldy. Kásipkerler men jeke tulǵalarmen túsindirý jumystary qatar júrgizilýde. Keshendi jumystyń nátijesinde biz ÁMAT-dyń baǵalarynyń 5%-dan 30%-ǵa deiin tómendeýin baiqaýdamyz", - deidi ministrliktegiler.
Jumyrtqa baǵasynyń ósýine jol bermeý úshin Saýda jáne integratsiia ministrligi men Qazaqstan Qus ósirýshiler odaǵy, Jumyrtqa óndirýshiler qaýymdastyǵy arasynda aǵymdaǵy jyldyń sońyna deiin jumyrtqa baǵasynyń joǵarǵy shegin bekitý boiynsha yntymaqtastyq memorandýmdary jasaldy. Óz kezeginde, otandyq jumyrtqa óndirýshilerdi qoldaý maqsatynda aǵymdaǵy jyldyń 1 mamyrynan bastap 6 ai merzimge avtokólikpen jumyrtqa ákelýge shekteý engizildi.
Resei tarapynan qant eksportyna engizilgen shekteý sharalaryna bailanysty ishki naryqty qorǵaý maqsatynda 14 maýsymnan 31 tamyzǵa deiin EAEO elderine jáne úshinshi elderge Qazaqstan aýmaǵynan qant eksporttaýǵa tyiym salyndy.
Sondai-aq, QR Saýda jelileri odaǵymen saýda jelileriniń sórelerinde otandyq taýarlardyń úlesin ulǵaitýǵa jáne otandyq óndiristi damytýǵa járdemdesýge baǵyttalǵan birlesken sharalardy qabyldaý týraly memorandýmǵa qol qoiyldy.
