Almatyda polıseıler ekinshi deńgeıli bank bólimshesinen qolma-qol aqsha urlaý áreketiniń betin ashty, dep habarlaıdy Dalanews.kz.
Qylmys túnde jasalǵan.
«Belgisiz er adam ǵımaratqa tereze arqyly kirip, odan keıin kasaǵa ótpek bolǵanymen, brondalǵan shynydan óte almaǵan. Bul árekettiń beker ekenin túsingen qaskóı oqıǵa ornynan ketip qalǵan», - dedi, Jetisý aýdandyq polısıa Basqarmasynyń bastyǵy Jánibek Shynasylov.
Krımınaldyq polısıa Basqarmasy Jetisý aýdandyq polısıasymen birlesip júrgizgen jedel-izdestirý is-sharalarynyń nátıjesinde qysqa merzimde 32 jastaǵy kúdikti anyqtalyp, ustaldy.
«Aýdandyq jedel qyzmetkerler men bizdiń bólimsheniń qyzmetkerleriniń kelisilgen jumysynyń arqasynda urlyq jasaý áreketi «izin sýytpaı» ashyldy. Bul – profılaktıkalyq beınebaqylaýdyń tıimdiliginiń jáne qyzmetkerlerimizdiń jedel áreket etýiniń jarqyn mysaly. Biz jańa tehnologıalar men sıfrlyq múmkindikterdi belsendi túrde qoldanamyz. Kúdikti óz kinásin moıyndady. Atalǵan derek boıynsha qylmystyq is qozǵaldy», - dedi, Almaty qalalyq PD Krımınaldyq polısıa Basqarmasynyń bastyǵy Talant Isaev.
