الماتىدا پوليسەيلەر ەكىنشى دەڭگەيلى بانك بولىمشەسىنەن قولما-قول اقشا ۇرلاۋ ارەكەتىنىڭ بەتىن اشتى، دەپ حابارلايدى Dalanews.kz.
قىلمىس تۇندە جاسالعان.
«بەلگىسىز ەر ادام عيماراتقا تەرەزە ارقىلى كىرىپ، ودان كەيىن كاسساعا وتپەك بولعانىمەن، بروندالعان شىنىدان وتە الماعان. بۇل ارەكەتتىڭ بەكەر ەكەنىن تۇسىنگەن قاسكوي وقيعا ورنىنان كەتىپ قالعان»، - دەدى، جەتىسۋ اۋداندىق پوليسيا باسقارماسىنىڭ باستىعى جانىبەك شىناسىلوۆ.
كريمينالدىق پوليسيا باسقارماسى جەتىسۋ اۋداندىق پوليسياسىمەن بىرلەسىپ جۇرگىزگەن جەدەل-ىزدەستىرۋ ءىس-شارالارىنىڭ ناتيجەسىندە قىسقا مەرزىمدە 32 جاستاعى كۇدىكتى انىقتالىپ، ۇستالدى.
«اۋداندىق جەدەل قىزمەتكەرلەر مەن ءبىزدىڭ بولىمشەنىڭ قىزمەتكەرلەرىنىڭ كەلىسىلگەن جۇمىسىنىڭ ارقاسىندا ۇرلىق جاساۋ ارەكەتى «ءىزىن سۋىتپاي» اشىلدى. بۇل – پروفيلاكتيكالىق بەينەباقىلاۋدىڭ تيىمدىلىگىنىڭ جانە قىزمەتكەرلەرىمىزدىڭ جەدەل ارەكەت ەتۋىنىڭ جارقىن مىسالى. ءبىز جاڭا تەحنولوگيالار مەن سيفرلىق مۇمكىندىكتەردى بەلسەندى تۇردە قولدانامىز. كۇدىكتى ءوز كىناسىن مويىندادى. اتالعان دەرەك بويىنشا قىلمىستىق ءىس قوزعالدى»، - دەدى، الماتى قالالىق پد كريمينالدىق پوليسيا باسقارماسىنىڭ باستىعى تالانت يسايەۆ.
