Qairat Satybaldyuly memleketke 50 milliard teńgeden astam aktivti qaitarady, - dep habarlaidy Dalanews.kz.
Bul týraly Bas prokýratýranyń Aktivterdi qaitarý jónindegi komiteti habarlady.
Bul aktivterdiń jalpy somasy baǵalaýdy eskergende, 50 mlrd teńgeden asady. Qazirgi tańda 18 mlrd teńgege aktivter qaitaryldy.
Olardyń qatarynda Almatydaǵy 2 iri biznes ortalyǵy, kommertsiialyq jyljymaityn múlik jáne Astananyń bedeldi aýdanyndaǵy elitalyq úi bar.
Satybaldyulynan tintý barysynda alynǵan 95 myń AQSh dollary Arnaiy memlekettik qorǵa aýdaryldy.
Sonymen qatar, júzdegen million teńgege ekskliýzivti zergerlik buiymdar, brendtik saǵattar, kollektsiialyq monetalar jáne basqa da sándi buiymdar (kólemi 174 ataý bar) memleketke qaitaryldy.
Birikken Arab Ámirlikterinen jalpy quny 192 mln teńge Rolls-Royce Cullinan jáne Aston Martin markaly kólikter túrindegi aktivter qaitaryldy.
Jalpy somasy 33 mlrd teńge Qairat Satybaldyuly men onyń jaqyndaryna tiesili sheteldik múliktiń tapsyrylýy aiaqtalý satysynda.
Olarǵa: Dýbai qalasyndaǵy quny 20 mlrd teńge turatyn eki baǵaly villa; Frantsiianyń Kókshil jaǵalaýyndaǵy quny 4 mlrd teńge turatyn tórt elitalyq páter; quny 5 mlrd teńge turatyn Reseidiń Máskeý qalasyndaǵy bedeldi turǵyn úi keshenderindegi 15 jyljymaityn múlik; quny 4 mlrd teńgeden astam Túrkiianyń Bodrým jáne Stambýl qalalaryndaǵy eki elitalyq villa jáne páter jatady.
Basqa isterdi eskere otyryp, Qairat Satybaldyuly 2,5 jyl ishinde memleketke 783 mlrd teńgege aktivterdi qaitardy.
