قايرات ساتىبالدى ۇلى مەملەكەتكە 50 ميلليارد تەڭگەدەن استام اكتيۆتى قايتارادى، - دەپ حابارلايدى Dalanews.kz. 

بۇل تۋرالى باس پروكۋراتۋرانىڭ اكتيۆتەردى قايتارۋ جونىندەگى كوميتەتى حابارلادى. 

بۇل اكتيۆتەردىڭ جالپى سوماسى باعالاۋدى ەسكەرگەندە، 50 ملرد تەڭگەدەن اسادى. قازىرگى تاڭدا 18 ملرد تەڭگەگە اكتيۆتەر قايتارىلدى.

ولاردىڭ قاتارىندا الماتىداعى 2 ءىرى بيزنەس ورتالىعى، كوممەرسيالىق جىلجىمايتىن مۇلىك جانە استانانىڭ بەدەلدى اۋدانىنداعى ەليتالىق ءۇي بار.

ساتىبالدىۇلىنان ءتىنتۋ بارىسىندا الىنعان 95 مىڭ اقش دوللارى ارنايى مەملەكەتتىك قورعا اۋدارىلدى.

سونىمەن قاتار،  جۇزدەگەن ميلليون تەڭگەگە ەكسكليۋزيۆتى زەرگەرلىك بۇيىمدار، برەندتىك ساعاتتار، كوللەكسيالىق مونەتالار جانە باسقا دا ءساندى بۇيىمدار (كولەمى 174 اتاۋ بار)  مەملەكەتكە قايتارىلدى.

بىرىككەن اراب امىرلىكتەرىنەن جالپى قۇنى 192 ملن تەڭگە Rolls-Royce Cullinan جانە Aston Martin ماركالى كولىكتەر تۇرىندەگى اكتيۆتەر قايتارىلدى.

جالپى سوماسى 33 ملرد تەڭگە قايرات ساتىبالدى ۇلى مەن ونىڭ جاقىندارىنا تيەسىلى شەتەلدىك مۇلىكتىڭ تاپسىرىلۋى اياقتالۋ ساتىسىندا.

ولارعا: دۋباي قالاسىنداعى قۇنى 20 ملرد تەڭگە تۇراتىن ەكى باعالى ۆيللا؛ فرانسيانىڭ كوكشىل جاعالاۋىنداعى قۇنى 4 ملرد تەڭگە تۇراتىن ءتورت ەليتالىق پاتەر؛ قۇنى 5 ملرد تەڭگە تۇراتىن رەسەيدىڭ ماسكەۋ قالاسىنداعى بەدەلدى تۇرعىن ءۇي كەشەندەرىندەگى 15 جىلجىمايتىن مۇلىك؛ قۇنى 4 ملرد تەڭگەدەن استام تۇركيانىڭ بودرۋم جانە ستامبۋل قالالارىنداعى ەكى ەليتالىق ۆيللا جانە پاتەر جاتادى.

باسقا ىستەردى ەسكەرە وتىرىپ، قايرات ساتىبالدى ۇلى 2،5 جىل ىشىندە مەملەكەتكە 783 ملرد تەڭگەگە اكتيۆتەردى قايتاردى.