Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual

Satybaldynyń qudasy, oligarh Seiitjanov Muz saraiynan aiyrylyp qaldy

Сағыныш Сардарова
Satybaldynyń qudasy, oligarh Seiitjanov Muz saraiynan aiyrylyp qaldy
Dalanews.kz kollajy, ratel.kz
Shymkenttegi "Muz saraiy" memlekettiń baqylaýyna qaitarylýda. Bul týraly Sybailas jemqorlyqqa qarsy is-qimyl agenttiginiń Shymkent qalasy boiynsha departamentiniń basshysy Dáýren Erǵarin aitty, - dep habarlaidy Dalanews.kz 
 
Departament qala prokýratýrasymen birlesip, "Muz saraiyn" memleket menshigine qaitarý boiynsha sharalar qabyldaǵan. 
 
"27 mamyrda birinshi satydaǵy sot "Sport saraiy" JShS úlesin (67 paiyz) jeke menshikke 128 million teńgege satyp alý-satý shartynyń kúshin joidy. Sot sheshimi zańdy kúshine engen joq", - dep málimdedi Erǵarin.
Daýdyń basy bolǵan Muz sarai jyry 2017 jyly shyqty. Sol kezde Shymkenttegi muz saraiyn oligarh satyp alǵany týraly aqparat BAQ-ta jii jazyldy.
 
"Aýktsion arqyly satylǵan muz saraiyn jergilikti sheneýnikter "ustap turý – shyǵyn. Jylyna 40 mln minýsqa ketemiz" dep túsindirgen. Kommýnaldyq qyzmet tarifteriniń ósýinen muz saraiyn ustap tura almadyq degen sheneýnikterdiń sózi alty jyl ótkende ótirik bop shyqty. Elimizdegi úshinshi megapolis atanǵan Shymkenttiń ákimi ol kezde Ǵabidolla Ábdirahymov bolatyn. Al Muz saraiy qaladaǵy, tipti oblystaǵy eń úlken sporttyq ǵimarattardyń biri edi. Qysqy sport túrlerinen oqýshylardy jattyqtyratyn jalǵyz muz saraiy da osy", - dep jazdy basylymdardyń biri bul týraly.

Derekterge súiensek, nysannyń quny alǵashynda 996 944 000 teńge dep belgilense de, úshinshi ret aýktsionǵa shyǵarǵanda 67 paiyz úlesi bar bolǵany 128 million teńgege ǵana satylyp ketken.

"Satyp alǵan - "Munai Qurylys Servis" JShS. Muz aidynynyń qalǵan 33 paiyzyna "Saýt-Oil" JShS ielik etedi. Al bul eki kompaniianyń da iesi – Serikjan Seiitjanov.

Óńirdi Ómirzaq Shókeev basqaryp turǵan 2007 jyldary bul saraiǵa muz aidyny salynyp, qysqy sport túrlerinen jattyǵý jasaityn orynǵa ainalǵan. Bul jobany júzege asyrý úshin Shókeev 404 million teńge aqsha jumsap, onyń 33 paiyzyn qala kásipkerleri shyǵardy degen. Qalǵan somma biýdjetten alynǵan bolatyn. Araǵa on jyl salǵanda bul ǵimaratty ustap tura almaimyz degen sheneýnikter aýktsionǵa júgingen",- dep jazylǵan edi BAQ málimetterinde bul sarai týraly.

Al Serikjan Seiitjanov Qazaqstandaǵy tabysy mol bailardyń qatarynda kósh bastaidy. Oligarh Shymkenttegi iri qonaqúilerdi de basqarady, oǵan qosa onyń Qairat Satybaldynyń qudasy ekeni de jii aitylady.

Shymkent muz aidyny Madina Sádýaqasova

Oqi otyryńyz