"27 مامىردا ءبىرىنشى ساتىداعى سوت "سپورت سارايى" ج ش س ۇلەسىن (67 پايىز) جەكە مەنشىككە 128 ميلليون تەڭگەگە ساتىپ الۋ-ساتۋ شارتىنىڭ كۇشىن جويدى. سوت شەشىمى زاڭدى كۇشىنە ەنگەن جوق"، - دەپ مالىمدەدى ەرعارين.
دەرەكتەرگە سۇيەنسەك، نىساننىڭ قۇنى العاشىندا 996 944 000 تەڭگە دەپ بەلگىلەنسە دە، ءۇشىنشى رەت اۋكسيونعا شىعارعاندا 67 پايىز ۇلەسى بار بولعانى 128 ميلليون تەڭگەگە عانا ساتىلىپ كەتكەن.
"ساتىپ العان - "مۇناي قۇرىلىس سەرۆيس" ج ش س. مۇز ايدىنىنىڭ قالعان 33 پايىزىنا "ساۋت-ويل" ج ش س يەلىك ەتەدى. ال بۇل ەكى كومپانيانىڭ دا يەسى – سەرىكجان سەيىتجانوۆ.
ءوڭىردى ءومىرزاق شوكەيەۆ باسقارىپ تۇرعان 2007 جىلدارى بۇل سارايعا مۇز ايدىنى سالىنىپ، قىسقى سپورت تۇرلەرىنەن جاتتىعۋ جاسايتىن ورىنعا اينالعان. بۇل جوبانى جۇزەگە اسىرۋ ءۇشىن شوكەيەۆ 404 ميلليون تەڭگە اقشا جۇمساپ، ونىڭ 33 پايىزىن قالا كاسىپكەرلەرى شىعاردى دەگەن. قالعان سومما بيۋدجەتتەن الىنعان بولاتىن. اراعا ون جىل سالعاندا بۇل عيماراتتى ۇستاپ تۇرا المايمىز دەگەن شەنەۋنىكتەر اۋكسيونعا جۇگىنگەن"،- دەپ جازىلعان ەدى ب ا ق مالىمەتتەرىندە بۇل ساراي تۋرالى.
ال سەرىكجان سەيىتجانوۆ قازاقستانداعى تابىسى مول بايلاردىڭ قاتارىندا كوش باستايدى. وليگارح شىمكەنتتەگى ءىرى قوناقۇيلەردى دە باسقارادى، وعان قوسا ونىڭ قايرات ساتىبالدىنىڭ قۇداسى ەكەنى دە ءجيى ايتىلادى.
