Ulytaý oblysynyń politsiia departamenti Sátbaev qalasy ákiminiń orynbasary jaiaý júrginshiler ótkelinde bolǵan bala ólimine bailanysty jaýapqa tartylǵanyn málimdedi, dep habarlaidy Dalanews.kz.
"Jol jumystaryn júrgizý talaptaryn oryndamaǵany, naqty aitqanda, tiisti jol tańbasynyń bolmaǵany úshin Sátbaev qalasy ákiminiń orynbasary jaýapqa tartyldy. Buǵan deiin jergilikti atqarýshy organǵa jaiaý júrginshiler ótkeline jol belgisin syzý týraly nusqama joldanǵan bolatyn", – delingen seisenbi kúni taratylǵan habarlamada.
Qaiǵyly oqiǵa
16 maýsym kúni Sátbaev qalasynda jaiaý júrginshiler jolaǵynda jeńil kólik júrgizýshisi kámeletke tolmaǵan balany qaǵyp ketken. Jábirlenýshi alǵan jaraqattarynan oqiǵa ornynda kóz jumdy. Atalǵan derek boiynsha sotqa deiingi tergeý bastaldy.
"Kólik júrgizýshisi ýaqytsha ustaý izoliatoryna qamaldy", – dedi politsiia ókilderi. Qazirgi tańda isti oblystyq politsiia departamentiniń basshylyǵy baqylaýǵa alǵan.
Politsiia oqiǵanyń barlyq mán-jaiy anyqtalyp, kináliler qoldanystaǵy zańnamaǵa sáikes jaýapqa tartylatynyn málimdedi.
