ۇلىتاۋ وبلىسىنىڭ پوليسيا دەپارتامەنتى ساتبايەۆ قالاسى اكىمىنىڭ ورىنباسارى جاياۋ جۇرگىنشىلەر وتكەلىندە بولعان بالا ولىمىنە بايلانىستى جاۋاپقا تارتىلعانىن مالىمدەدى، دەپ حابارلايدى Dalanews.kz.
"جول جۇمىستارىن جۇرگىزۋ تالاپتارىن ورىنداماعانى، ناقتى ايتقاندا، ءتيىستى جول تاڭباسىنىڭ بولماعانى ءۇشىن ساتبايەۆ قالاسى اكىمىنىڭ ورىنباسارى جاۋاپقا تارتىلدى. بۇعان دەيىن جەرگىلىكتى اتقارۋشى ورگانعا جاياۋ جۇرگىنشىلەر وتكەلىنە جول بەلگىسىن سىزۋ تۋرالى نۇسقاما جولدانعان بولاتىن"، – دەلىنگەن سەيسەنبى كۇنى تاراتىلعان حابارلامادا.
قايعىلى وقيعا
16 ماۋسىم كۇنى ساتبايەۆ قالاسىندا جاياۋ جۇرگىنشىلەر جولاعىندا جەڭىل كولىك جۇرگىزۋشىسى كامەلەتكە تولماعان بالانى قاعىپ كەتكەن. جابىرلەنۋشى العان جاراقاتتارىنان وقيعا ورنىندا كوز جۇمدى. اتالعان دەرەك بويىنشا سوتقا دەيىنگى تەرگەۋ باستالدى.
"كولىك جۇرگىزۋشىسى ۋاقىتشا ۇستاۋ يزولياتورىنا قامالدى"، – دەدى پوليسيا وكىلدەرى. قازىرگى تاڭدا ءىستى وبلىستىق پوليسيا دەپارتامەنتىنىڭ باسشىلىعى باقىلاۋعا العان.
پوليسيا وقيعانىڭ بارلىق ءمان-جايى انىقتالىپ، كىنالىلەر قولدانىستاعى زاڭناماعا سايكەس جاۋاپقا تارتىلاتىنىن مالىمدەدى.
