2025 jylǵy 2–7 maýsym aralyǵynda Sátbaev ýniversiteti Avtomatika jáne aqparattyq tehnologiialar institýtynyń Elektronika, telekommýnikatsiialar jáne ǵaryshtyq tehnologiialar kafedrasynyń qaýymdastyrylǵan professory, IRN № AP19679041 granttyq jobasynyń jetekshi ǵylymi qyzmetkeri Ainur Quttybaeva Sankt-Peterbýrg politehnikalyq ýniversitetine (Resei) jumys saparymen bardy.
Atalǵan joba «Metall jáne beton konstrýktsiialarynyń kerneý kúiin baqylaýǵa arnalǵan talshyqty-optikalyq datchikterdi zertteý jáne qoldaný» (2023–2025 jj.) taqyrybynda júzege asyrylýda.
Sapar barysynda Ainur Quttybaeva Sankt-Peterbýrg politehnikalyq ýniversitetiniń Halyqaralyq bilim berý baǵdarlamalary joǵary mektebiniń direktory Viktor Belkomen, dotsent Viktor Maliýginmen, professor Dmitrii Kizevettermen jáne ýniversitettiń ǵylymi-zertteý bólimsheleriniń ókilderimen kezdesýler ótkizdi. Sondai-aq ol Perspektivalyq elektr oqshaýlaý júieleriniń ǵylymi-injenerlik ortalyǵynda jáne sýasty munai-gaz óndirý salasyna arnalǵan impýlstik tehnologiialar zerthanasynda boldy.
Kezdesý barysynda granttyq joba aiasynda talshyqty-optikalyq tehnologiialardy paidalana otyryp, joǵary jyldamdyqtaǵy deformatsiialardy ólsheýdiń innovatsiialyq ádisterin ázirleýge baǵyttalǵan ǵylymi yntymaqtastyqtyń perspektivalary men birlesken jumystyń yqtimal baǵyttary talqylandy. Mundai tehnologiialar injenerlik qurylymdardyń senimdiligi men qaýipsizdigin arttyrýda mańyzdy ról atqarady. Ásirese olardy kópirlerdiń jai-kúiin baqylaý jáne ǵarysh salasynda qoldaný múmkindikteri erekshe qyzyǵýshylyq týǵyzdy.
Sapar qorytyndysy boiynsha Sankt-Peterbýrg politehnikalyq ýniversitetiniń basshylyǵy Ainur Quttybaevaǵa ǵylymdy damytýǵa jáne halyqaralyq akademiialyq yntymaqtastyqty nyǵaitýǵa qosqan eleýli úlesi úshin alǵys hat tabys etti.
Bul issapar Sátbaev ýniversiteti men Sankt-Peterbýrg politehnikalyq ýniversiteti arasyndaǵy ǵylymi yntymaqtastyqty nyǵaityp, telekommýnikatsiialyq tehnologiialar salasyndaǵy halyqaralyq seriktestikti keńeitýge múmkindik berdi.
